തിരുവനന്തപുരം:ആറു വയ​സു​കാ​രിയെ നിർബ​ന്ധിച്ച് മദ്യം കുടി​പ്പി​ച്ചതു​മായി ബന്ധ​പ്പെട്ടകേസിൽ അന്വേഷണ ഉ​ദ്യോ​ഗ​സ്ഥൻ നേരിട്ട് ഹാജ​രായി മൊഴി നൽക​ണ​മെന്ന് സംസ്ഥാന ബാലാ​വ​കാശ സംര​ക്ഷണ കമ്മീ​ഷൻ.

ആലുവ എട​ത്തല പൊലീസ്‌സ്റ്റേഷൻ ഹൗസ് ഓഫീ​സർ സുബൈർ, ചൈൽഡ് വുമൺ പൊലീസ് ഓഫീ​സർ മഞ്ജു എന്നി​വർ 22​-ാം തീയതി തിരു​വ​ന​ന്ത​പു​രത്ത് കമ്മിഷൻ മുമ്പാകെ ഹാജ​രാകണം. കുട്ടിയെ പത്തി​ല​ധികം പ്രാവശ്യംചോദ്യം ചെയ്ത പൊലീസ്,​പ്രതി​യായ ഭർതൃ​സ​ഹോ​ദ​രിയെ ഒരി​ക്കൽപോലുംചോദ്യം ചെയ്യു​കയോ കസ്റ്റ​ഡി​യിൽ എടു​ക്കു​കയോ ചെയ്തി​ല്ലെന്ന് കാട്ടി കുട്ടി​യുടെ മാതാവ് നൽകിയ പരാ​തി​യി​ലാണ് നട​പ​ടി. പ്രതിയെ സംര​ക്ഷി​ക്കുന്ന നില​പാ​ടാണ് തുടക്കം മുതൽ പൊലീസ് സ്വീക​രി​ക്കു​ന്ന​തെന്ന് പരാതി​യിൽ പറ​യു​ന്നു.

ആഗസ്റ്റ് 29നാണ് എസ്.എച്ച്.ഒ കുട്ടിയെ വീട്ടിലെത്തി ചോദ്യം ചെയ്തത്. 24ന് എട​ത്തല എസ്.​എച്ച്.ഒയും വീട്ടി​ലെത്തി കുട്ടിയെയും മാതാ​പി​താ​ക്ക​ളെയും ചോദ്യം ചെയ്തിരുന്നു. നിലവിൽ പോക്‌സോ കേസ​ന്വേ​ഷണം എട​ത്തല സ്റ്റേഷ​നിൽ നിന്ന് മാറ്റി ആലുവ ഈസ്റ്റ് എസ്.​എ​ച്ച്.​ഒക്ക് കൈമാറിയിരിക്കുകയാണ്. പ്രതി​ക്കെ​തിരെ പോക്‌സോ, ബാല​നീതി നിയ​മ​ങ്ങൾ പ്രകാരം ജാമ്യ​മില്ലാ വകു​പ്പു​കൾ ചുമത്തി രണ്ട്‌ കേസുകൾ ചാർജ് ചെയ്‌തെ​ങ്കിലും ഇതു​വരെ നട​പടി എടു​ത്തി​ട്ടി​ല്ല. അതേ​സ​മ​യം, പൊലീസ് വാഹ​ന​ത്തിൽ യൂനി​ഫോ​മിൽ കുട്ടിയെചോദ്യം ചെയ്യ​രു​തെന്ന നിയമം ലംഘി​ക്ക​പ്പെ​ട്ട​തായും ആരോ​പി​ക്കു​ന്നു. കുട്ടിയെ തനിച്ച് മുറി​യി​ലി​രുത്തി നാലു മണി​ക്കൂർ തുടർച്ച​യായി ഈ ഉദ്യോ​ഗ​സ്ഥൻചോദ്യം ചെയ്ത​തായും പരാ​തി​യിൽ പറ​യു​ന്നു.