തൊടുപുഴ: കിഫ്ബി പദ്ധതിയിൽ ഉൾപ്പെടുത്തി അഞ്ച് കോടി രൂപ മുതൽ മുടക്കി നിർമ്മിച്ച തൊടുപുഴ ഡോ. എ.പി.ജെ അബ്ദുൾ കലാം ഗവ. ഹയർ സെക്കൻഡറി സ്‌കൂളിന്റെ പുതിയ ബഹുനില കെട്ടിടം ഇന്ന് രാവിലെ 11ന് മുഖ്യമന്ത്രി പിണറായി വിജയൻ ഓൺലൈനിൽ ഉദ്ഘാടനം ചെയ്യും. മന്ത്രി പ്രൊഫ. സി. രവീന്ദ്രനാഥ് ചടങ്ങിൽ അദ്ധ്യക്ഷത വഹിക്കും. മന്ത്രിമാരായ എം.എം. മണി, കെ.കെ. ശൈലജ ടീച്ചർ, ടി.പി. രാമകൃഷ്ണൻ, കടകംപള്ളി സരേന്ദ്രൻ, എ.കെ. ശശീന്ദ്രൻ എന്നിവർ മുഖ്യാതിഥികളാകും. ഡീൻ കുര്യാക്കോസ് എം.പി, പി.ജെ. ജോസഫ് എം.എൽ.എ, ജില്ലാ കളക്ടർ എച്ച്.ദിനേശൻ, തൊടുപുഴ നഗരസഭാ ചെയർപേഴ്സൺ സിസിലി ജോസ് എന്നിവർ സംസാരിക്കും. പൊതുവിദ്യാഭ്യാസ സംരക്ഷണ കർമ്മയജ്ഞ സമിതി ജില്ലാ കോ- ഓർഡിനേറ്റർ കെ.എ. ബിനുമോൻ റിപ്പോർട്ട് അവതരിപ്പിക്കും.