ഇടുക്കി: ഖാദിഗ്രാമ വ്യവസായ ബോർഡ് സംസ്ഥാനത്തെ ഹൈസ്‌കൂൾ, ഹയർസെക്കന്ററി വിദ്യാർത്ഥികൾക്കായി നടത്തുന്ന ഓൺലൈൻ ക്വിസ് മത്സരം പ്രജ്ഞ 2020 നടത്തും. സർക്കാർ, എയ്ഡഡ്, അൺഎയ്ഡഡ് സ്‌കൂളുകളിലെ 8 മുതൽ 12 വരെ ക്ലാസിലെ കുട്ടികൾക്ക് പങ്കെടുക്കാം. 70 ശതമാനം പൊതുവിജ്ഞാനവും 30 ശതമാനം 'ഗാന്ധിജിയും ഖാദിയും ഇന്ത്യൻ സ്വാതന്ത്ര്യസമരവും' എന്നതാണ് വിഷയം. താൽപര്യമുള്ളവർ secretarykkvib@gmail.com അല്ലെങ്കിൽ iokkvib@gmail.com എന്ന ഇമെയിൽ ഐ.ഡിയിൽ മുൻകൂട്ടി പേര് രജിസ്റ്റർ ചെയ്യണം. സെപ്തംബർ 30 രാവിലെ 11 ന് സക്രീനിംഗിന് വേണ്ടിയുള്ള ചോദ്യങ്ങളും ഉത്തരക്കടലാസിന്റെ മാതൃകയും നിബന്ധനകളും www.kkvib.org എന്ന വെബ്‌സൈറ്റിൽ അപ്ലോഡ് ചെയ്യും. ഒരു ടീമിൽ ഒരു കുട്ടി മാത്രം മതിയാകും. ഉത്തരക്കടലാസിൽ കുട്ടിയുടെ പേര്, മേൽവിലാസം, ഫോൺ നമ്പർ, ഇമെയിൽ, സ്‌കൂളിന്റെ പേര്, ക്ലാസ് മുതലായവ രേഖപ്പെടുത്തണം. 30ന് രാവിലെ 11 മുതൽ 11.30 വരെ ഉത്തരപേപ്പർ iokkvib@gmail.com എന്ന ഐ.ഡിയിൽ മെയിൽ ചെയ്യാം. ഫൈനൽ മത്സരം ഒക്‌ടോബർ 7 രാവിലെ 11ന് ഖാദി ബോർഡ് കോൺഫറൻസ് ഹാളിൽ ഓൺലൈൻ വഴി നടത്തും. ഒന്നാം സമ്മാനം 5001, രണ്ടാം സമ്മാനം 3001, മൂന്നാം സമ്മാനം 2001 രൂപയും സർട്ടിഫിക്കറ്റും ഒന്നാം സമ്മാനം നേടുന്ന സ്‌കൂളിന് എവർറോളിംഗ് ട്രോഫിയും നൽകും. കൂടുതൽ വിവരങ്ങൾക്ക് ഫോൺ 9447271153.