നെടുങ്കണ്ടം: ജില്ലാ സ്റ്റാമ്പ് ഡിപ്പോയുടെ പുതിയ കെട്ടിടത്തിന്റെ ശിലാസ്ഥാപനം
നെടുങ്കണ്ടത്ത് മന്ത്രി എം.എം മണി നിർവഹിച്ചു. ജില്ലാ സ്റ്റാമ്പ് ഡിപ്പോയുടെ പുതിയ കെട്ടിട നിർമ്മാണത്തിനായി 2.27 കോടി രൂപയാണ് അനുവദിച്ചിട്ടുള്ളത്. 3500 അടി ചതുരശ്ര വിസ്തീർണത്തിൽ എല്ലാവിധ ആധുനിക സൗകര്യങ്ങളോടെയാണ് പുതിയ കെട്ടിടം നിർമ്മിക്കുക. നെടുങ്കണ്ടം സബ് ട്രഷറി അങ്കണത്തിൽ ചേർന്ന യോഗത്തിൽ ബ്ലോക്ക് പഞ്ചായത്ത് പ്രസിഡന്റ് റെജി പനച്ചിക്കൽ അദ്ധ്യക്ഷത വഹിച്ചു.
ജില്ലാ എ.ടി.ഒ അന്നമ്മ സെബാസ്റ്റിയൻ, നെടുങ്കണ്ടം സബ്ട്രഷറി ജൂനിയർ സൂപ്രണ്ട് അനിൽകുമാർ എ.ജി, ജില്ലാ സ്റ്റാമ്പ് ഡിപ്പോ ഓഫീസർ ആനിയമ്മ ജോൺ തുടങ്ങിയവർ സംസാരിച്ചു.