ഇടുക്കി: ജില്ലാ കളക്ടർ സംഘടിപ്പിക്കുന്ന ഓൺലൈൻ പൊതുജന പരാതി പരിഹാര അദാലത്ത് സഫലം 2020 ന്റെ മൂന്നാം ഘട്ടത്തിൽ ഇടുക്കി താലൂക്കിന്റെ അദാലത്ത് ഒക്‌ടോബർ ഒൻപതിന് രാവിലെ 10 മുതൽ നടത്തും.

മുഖ്യമന്ത്രിയുടെ ദുരിതാശ്വാസ നിധി, പ്രകൃതിക്ഷോഭം, റേഷൻകാർഡ് ബി.പി.എൽ ആക്കുന്നത് എന്നിവയൊഴികെയുളള വിഷയങ്ങളിൽ പരാതികൾ/അപേക്ഷകൾ https://edistrict.kerala.gov.in എന്ന വെബ് സൈറ്റ് മുഖേന പൊതുജനങ്ങൾക്ക് നേരിട്ടോ അക്ഷയ സെന്ററുകൾ മുഖേനയോ ഇന്നു മുതൽ ഒക്‌ടോബർ വരെ ജില്ലാ കളക്ടർക്ക് സമർപ്പിക്കാം. അപേക്ഷകർക്ക് അദാലത്ത് ദിവസം താലൂക്ക് ഓഫീസ്/വില്ലേജ് ഓഫീസ് എന്നിവിടങ്ങളിലെ വീഡിയോ കോൺഫറൻസ് സംവിധാനം മുഖാന്തിരം കൊവിഡ് 19 സുരക്ഷാമാനദണ്ഡങ്ങൾ പാലിച്ച് അദാലത്തിൽ പങ്കെടുക്കാം.