മുള്ളരിങ്ങാട് :ഗവൺമെന്റ് ഹയർസെക്കൻഡറി സ്‌കൂളിൽ നിർമ്മാണം പൂർത്തിയാക്കിയ സയൻസ് ലാബും ടോയ്ലറ്റ് ബ്ലോക്കുകളും ഉദ്ഘാടനം ചെയ്തു. ജില്ലാ പഞ്ചായത്തംഗം വിഷ്ണു.കെ.ചന്ദ്രൻ ഉദ്ഘാടനം നിർവഹിച്ചു.
ജില്ലാ പഞ്ചായത്തിൽ നിന്നനുവദിച്ച 35 ലക്ഷം രൂപാ ഉപയോഗിച്ചാണ് ഇവയുടെ നിർമ്മാണം പൂർത്തിയാക്കിയത്. ഹൈടെക് രീതിയിൽ പണി തീർത്ത സയൻസ് ലാബിൽ കമ്പ്യൂട്ടർ, കെമിസ്ട്രി, ബോട്ടണി ലാബുകൾ ആണ് ഇപ്പോൾ സജ്ജമാക്കിയിരിക്കുന്നത്. ഇതോടൊപ്പം രണ്ട് ടോയ്ലറ്റ് ബ്ലോക്കുകളും നാല് യൂണിറ്റുകളും നിർമിച്ചിട്ടുണ്ട്. യോഗത്തിൽ പി.ടി.എ. പ്രസിഡന്റ് രാജേഷ്.സി.ആർ. അദ്ധ്യക്ഷത വഹിച്ചു. ബ്ലോക്ക് പഞ്ചായത്തംഗം അജിത സാബു, സ്‌കൂൾ ഹെഡ്മിസ്ട്രസ് റെയ്ച്ചൽ സി.ഡി, പ്രിൻസിപ്പാൾ രാധിക എം.എൻ തുടങ്ങിയവർ സംസാരിച്ചു.