തൊടുപുഴ: കേരളാ മോട്ടോർ തൊഴിലാളി ക്ഷേമനിധി ബോർഡിൽ അംഗത്വമെടുത്ത തൊഴിലാളികൾക്ക് നിബന്ധനകൾക്ക് വിധേയമായി എല്ലാ കുടിശികകളും ഒൻപത് ശതമാനം പലിശ ഉൾപ്പെടെ ഒടുക്കുന്നതിനുളള കാലാവധി ഒക്‌ടോബർ 31 വരെ നീട്ടി.

കേരളാ മോട്ടോർ തൊഴിലാളി ക്ഷേമനിധി ബോർഡിൽ അസംഘടിത തൊഴിലാളികൾക്ക് കൊവിഡ് 19 ധനസഹായം അനുവദിക്കുന്നതിനായി അപേക്ഷ സമർപ്പിക്കുന്നതിനുളള അവസാന തിയതി ഒക്‌ടോബർ 31 ആണ്.

കൊവിഡ് 19 ധനസഹായത്തിന് അപേക്ഷ നൽകാത്ത കേരളാ മോട്ടോർ തൊഴിലാളി ക്ഷേമനിധി ബോർഡിൽ അംഗങ്ങളായ തൊഴിലാളികൾക്ക് രണ്ടാഘട്ട കൊവിഡ് 19 സൗജന്യ ധനസഹായമായ 1000 രൂപ ലഭിക്കുന്നതിന് അപേക്ഷ സമർപ്പിക്കുന്നതിനുളള അവസാന തിയതി ഒക്‌ടോബർ 31 വരെ നീട്ടി. പുതുതായി അംഗത്വം എടുക്കുന്ന തൊഴിലാളികൾക്കും ഒക്‌ടോബർ 31വരെ ധനസഹായത്തിന് അപേക്ഷിക്കാം. ഫോൺ: 04862 220308