കാസർകോട്: ജില്ലയിൽ 133 പേർക്ക് കൂടി കൊവിഡ് 19 സ്ഥിരീകരിച്ചു. 120 പേർക്ക് സമ്പർക്കത്തിലൂടെയാണ് രോഗബാധ. അഞ്ചു പേർ ഇതരസംസ്ഥാനത്ത് നിന്നെത്തിയവരും എട്ടു പേർ വിദേശത്ത് നിന്നെത്തിയവരുമാണ്. 170 പേർക്ക് കൊവിഡ് നെഗറ്റീവായി.

രോഗബാധിതരിൽ എട്ട് മാസം പ്രായമുള്ളതടക്കം ഒൻപതുപേർ കുട്ടികളാണ്. ചെമ്മനാട്ടെ നാലുകുട്ടികൾക്കും കിനാനൂർ കരിന്തളം, ഉദുമ, കാഞ്ഞങ്ങാട്, അജാനൂർ, കുമ്പള എന്നിവിടങ്ങളിലെ ഒന്നുവീതം കുട്ടികൾക്കും രോഗം പകർന്നു.

മധൂർ 13, കാസർകോട് 26, കയ്യൂർ ചീമേനി 2, നീലേശ്വരം 2, കാഞ്ഞങ്ങാട് 10, കാറഡുക്ക 2, ബേഡഡുക്ക 1, ചെമ്മനാട് 12, ചെങ്കള 8, കുറ്റിക്കോൽ 1, മൊഗ്രാൽപുത്തൂർ 6, ഉദുമ 11, മടിക്കൈ 1, പള്ളിക്കര 6, പൈവളിഗെ 2, അജാനൂർ 6, കിനാനൂർ കരിന്തളം 1, എൻമകജെ 3, മുളിയാർ 5, പുല്ലൂർ പെരിയ 1, പുത്തിഗെ 2, പടന്ന 2, മഞ്ചേശ്വരം 2, മംഗൽപാടി 2, വോർക്കാടി 1, കുമ്പള 5 എന്നിങ്ങനെയാണ് തദ്ദേശ സ്ഥാപനം തിരിച്ചുള്ള കണക്ക്.

5378 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 4044 പേർക്ക് ഇതുവരെ നെഗറ്റീവായി. നിലവിൽ ചികിത്സയിലുള്ളത് 1292 പേരാണ്. വീടുകളിൽ 5587 പേരും സ്ഥാപനങ്ങളിൽ 887 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 6474 പേരാണ്.

170 പേർ രോഗമുക്തർ
ചെമ്മനാട്ടെ 30 പേർ, കാഞ്ഞങ്ങാട്ടെ 21 പേർ, അജാനൂരിലെ 19 പേർ, കാസർകോട്ടെ 16 പേർ, നീലേശ്വരത്തെ 12 പേർ, തൃക്കരിപ്പൂരിലെ ഒമ്പത് പേർ,ചെറുവത്തൂരിലെ ഏഴു പേർ, മംഗൽപ്പാടി, കയ്യൂർ ചീമേനി, വലിയപറമ്പ എന്നിവിടങ്ങളിലെ ആറുപേർ വീതം, ചെങ്കള, മൊഗ്രാൽപുത്തൂർ, പടന്ന, കുമ്പള എന്നിവിടങ്ങളിലെ നാലുപേർ വീതം, വോർക്കാടിയിലെ മൂന്ന് പേർ, ഉദുമ, കിനാനൂർകരിന്തളം, പള്ളിക്കര, പുത്തിഗെ, കോടോം ബേളൂർ, മധൂരിർ എന്നിവിടങ്ങളിലെ രണ്ട് പേർ വീതം, മഞ്ചേശ്വരം, പൈവളിഗെ, മീഞ്ച, ദേലമ്പാടി, കാറഡുക്ക, പിലിക്കോട്, മടിക്കൈ എന്നിവിടങ്ങളിലെ ഒരാൾ വീതം.

രോഗബാധിതർ 5378

രോഗമുക്തർ 4044

ചികിത്സയിൽ 1292