179 പേർക്ക് സമ്പർക്കത്തിലൂടെ

കണ്ണൂർ: ജില്ലയിൽ 222 പേർക്ക് ഇന്നലെ കൊവിഡ് ബാധ സ്ഥിരീകരിച്ചു. 179 പേർക്ക് സമ്പർക്കം മൂലമാണ് രോഗബാധ. രണ്ടു പേർ വിദേശത്തു നിന്നും 20 പേർ ഇതര സംസ്ഥാനങ്ങളിൽ നിന്നും എത്തിയവരും 21 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ ഇതുവരെ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 4220 ആയി. ഇവരിൽ ഇന്നലെ രോഗമുക്തി നേടിയ 121 പേരടക്കം 3113 പേർ ആശുപത്രി വിട്ടു. കൊവിഡ് സ്ഥിരീകരിച്ച 29 പേർ ഉൾപ്പെടെ 40 പേർ മരണപ്പെട്ടു. ബാക്കി 1067 പേർ ചികിത്സയിലാണ്.
ജില്ലയിൽ നിലവിൽ നിരീക്ഷണത്തിലുള്ളത് 12363 പേരാണ്. ഇതിൽ 11393 പേർ വീടുകളിലാണ്. ഇതുവരെ 73572 സാമ്പിളുകൾ പരിശോധനയ്ക്ക് അയച്ചതിൽ 72913 എണ്ണത്തിന്റെ ഫലം വന്നു. 659 എണ്ണത്തിന്റെ ഫലം ലഭിക്കാനുണ്ട്.

ആരോഗ്യപ്രവർത്തകർ 21

ഇന്നലെ ജില്ലയിൽ രോഗം സ്ഥിരീകരിച്ചവരിൽ 21 ആരോഗ്യപ്രവർത്തകരും. 9 സ്റ്റാഫ് നഴ്സുമാർ, 4 ക്ലീനിങ് സ്റ്റാഫുമാർ, 3 നഴ്സിംഗ് അസിസ്റ്റന്റുമാർ, ജൂനിയർ ഹെൽത്ത് ഇൻസ്‌പെക്ടർ, ആശാ വർക്കർ, ആംബുലൻസ് ഡ്രൈവർ, ഡോക്ടർ, ഫിസിയോതെറാപ്പിസ്റ്റ് ഒരാൾ വീതം.

121 പേർക്കു രോഗമുക്തി
30 പേർ എം.ഐ.ടി.ഡി.സി.ടി.സിയിൽ നിന്നും 18 പേർ, പാലയാട് സി.എഫ്.എൽ.ടി.സിയിൽ നിന്നും 17 പേർ, അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്നും കണ്ണൂർ ജില്ലാ ആശുപത്രി, തലശ്ശേരി ജനറൽ ആശുപത്രി എന്നിവിടങ്ങളിൽ നിന്ന് 11 വീതം പേരും കണ്ണൂർ ഗവ. മെഡിക്കൽ കോളേജിൽ നിന്ന് 10 പേരും ആയുർവേദ സി.എഫ്.എൽ.ടി.സിയിൽ നിന്ന് എട്ട് പേരും, സ്‌പോർട്സ് ഹോസ്റ്റൽ സി.എഫ്.എൽ.ടി.സിയിൽ നിന്ന് ആറ് പേരും കണ്ണൂർ ആസ്റ്റർ മിംസിൽ നിന്ന് നാലു പേരും സെഡ് പ്ലസ് സി.എഫ്.എൽ.ടി.സിയിൽ രണ്ടു പേരും കാലിക്കറ്റ് ആസ്റ്റർ മിംസ്, നെട്ടൂർ സി.എഫ്.എൽ.ടി.സി, വടകര സി.എഫ്.എൽ.ടി.സി, മാഹി ജനറൽ ആശുപത്രി എന്നിവിടങ്ങളിൽ നിന്ന് ഓരോരുത്തർ വീതവും ഇന്നലെ രോഗമുക്തരായി.

രോഗബാധിതർ 4220

രോഗമുക്തർ 3113

ചികിത്സയിൽ 1067

നിരീക്ഷണച്ചിൽ 12363