194 പേർക്ക് സമ്പർക്കത്തിലൂടെ

കണ്ണൂർ: ജില്ലയിൽ 260 പേർക്ക് ഇന്നലെ കൊവിഡ് 19 സ്ഥിരീകരിച്ചു. 194 പേർക്ക് സമ്പർക്കം മൂലമാണ് രോഗബാധ. എട്ടു പേർ വിദേശത്തു നിന്നും 27 പേർ ഇതര സംസ്ഥാനങ്ങളിൽ നിന്നും എത്തിയവരും 31 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 4680 ആയി. ഇവരിൽ ഇന്നലെ രോഗമുക്തി നേടിയ 67 പേരടക്കം 3247 പേർ ആശുപത്രി വിട്ടു. 1393 പേർ ആശുപത്രികളിൽ ചികിത്സയിലാണ്.

നിലവിൽ നിരീക്ഷണത്തിലുള്ളത് 12842 പേരാണ്. ജില്ലയിൽ നിന്ന് ഇതുവരെ 77815 സാമ്പിളുകൾ പരിശോധനയ്ക്ക് അയച്ചതിൽ 77459 എണ്ണത്തിന്റെ ഫലം വന്നു. 356 എണ്ണത്തിന്റെ ഫലം ലഭിക്കാനുണ്ട്.

അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്ന് 24പേരും എം.ഐ.ടി ഡി.സി.ടി.സിയിൽ നിന്ന് 17 പേരും നെട്ടൂർ സി.എഫ്.എൽ.ടി.സിയിൽ നിന്ന് 14 പേരു പാലയാട് സി.എഫ്.എൽ.ടി.സിയിൽ നിന്ന് 7 പേരും തലശ്ശേരി ജനറൽ ആശുപത്രിയിൽ നിന്ന് മൂന്ന് പേരും കണ്ണൂർ മിംസിൽ നിന്ന് രണ്ട് പേരുമാണ് ഇന്നലെ രോഗമുക്തി നേടിയത്.