കാസർകോട്: ജില്ലയിൽ 150 പേർക്ക് കൂടി കൊവിഡ് 19 പോസിറ്റീവായി. ഇതിൽ 149 പേർക്കും സമ്പർക്കത്തിലൂടെയാണ് രോഗബാധ. ഒരാൾ ഇതര സംസ്ഥാനത്ത് നിന്നെത്തിയതാണ്. 104 പേർക്ക് ഇന്നലെ കൊവിഡ് നെഗറ്റീവായെന്ന് ജില്ലാ മെഡിക്കൽ ഓഫീസർ അറിയിച്ചു.

വീടുകളിൽ 4616 പേരും സ്ഥാപനങ്ങളിൽ 1322 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 5938 പേരാണ്. 7070 പേർക്ക് ഇതുവരെ കൊവിഡ് സ്ഥിരീകരിച്ചു. ഇതിൽ 618 പേർ വിദേശത്ത് നിന്നെത്തിയവരും 456 പേർ ഇതരസംസ്ഥാനത്ത് നിന്നെത്തിയവരുമാണ്. 5996 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത്. 5005 പേർക്ക് ഇതുവരെ കൊവിഡ് നെഗറ്റീവായി. നിലവിൽ 2014 പേരാണ് ജില്ലയിൽ ചികിത്സയിലുള്ളത്.

ഇന്നലെ കൊവിഡ് സ്ഥിരീകരിച്ചവർ തദ്ദേശ സ്വയംഭരണ സ്ഥാപനം തിരിച്ച്: നീലേശ്വരം 4, അജാനൂർ 14, പുല്ലൂർ പെരിയ 7, കാഞ്ഞങ്ങാട് 16, മധൂർ 6, കാസർകോട് 15, പള്ളിക്കര 6, മുളിയാർ 2, കാറഡുക്ക 1, മഞ്ചേശ്വരം 2, ചെമ്മനാട് 14, മൊഗ്രാൽ പുത്തൂർ 6, ചെങ്കള 8, കുമ്പള 2, വലിയപറമ്പ 1, ചെറുവത്തൂർ 1, പിലക്കോട് 4, എൻമകജെ 3, ഉദുമ 5, ബദിയഡുക്ക 5, ഈസ്റ്റ് എളേരി 1, തൃക്കരിപ്പൂർ 1, മടിക്കൈ 5, വെസ്റ്റ് എളേരി 1, മംഗൽപാടി 6, കിനാനൂർ കരിന്തളം 9, പൈവളിഗെ 1, കയ്യൂർ ചീമേനി 3.