കാസർകോട്: ജില്ലയിൽ 119 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 113 പേർക്കും ഇതരസംസ്ഥാനത്ത് നിന്നെത്തിയ അഞ്ച് പേർക്കും വിദേശത്ത് നിന്നെത്തിയ ഒരാൾക്കുമാണ് ഇന്നലെ കൊവിഡ് സ്ഥിരീകരിച്ചത്. 83 പേർക്ക് കൊവിഡ് നെഗറ്റീവായി.

വീടുകളിൽ 3035 പേരും സ്ഥാപനങ്ങളിൽ 1122 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 5057 പേരാണ്. 7541 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 622 പേർ വിദേശത്ത് നിന്നെത്തിയവരും 466 പേർ ഇതരസംസ്ഥാനത്ത് നിന്നെത്തിയവരും 6453 പേർക്ക് സമ്പർക്കത്തിലൂടെയുമാണ് രോഗം സ്ഥിരീകരിച്ചത്. 5665 പേർക്ക് ഇതുവരെ രോഗം ഭേദമായി. 1817 പേരാണ് നിലവിൽ ചികിത്സയിലുള്ളത്.

ഇന്നലെ രോഗം സ്ഥിരീകരിച്ചവരുടെ തദ്ദേശ സ്വയംഭരണ സ്ഥാപനം തിരിച്ചുള്ള കണക്ക്: അജാനൂർ 15, പുല്ലൂർപെരിയ 1, പള്ളിക്കര 6, മടിക്കൈ 11, പടന്ന 3, ബെള്ളൂർ 1, മുളിയാർ 3, ചെങ്കള 12, ഈസ്റ്റ് എളേരി 4, ചെറുവത്തൂർ 5, പിലിക്കോട് 1, മൊഗ്രാൽപുത്തുർ 1, കാസർകോട് 3, വോർക്കാടി 2, മധൂർ 3, ചെമ്മനാട് 7, ഉദുമ 4, കാഞ്ഞങ്ങാട് 9, നീലേശ്വരം 1, തൃക്കരിപ്പൂർ 4, കിനാനൂർ കരിന്തളം 4, മഞ്ചേശ്വരം 2, മംഗൽപാടി 6, ബളാൽ 2, മീഞ്ച1, പൈവളിഗെ 2, കുമ്പള 2, ബേഡഡുക്ക1, ദേലംപാടി1, കാറഡുക്ക 1.