മട്ടന്നൂർ: കണ്ണൂർ വിമാനത്താവളത്തിൽ യാത്രക്കാരനിൽ നിന്ന് 10.40 ലക്ഷം രൂപയുടെ വിദേശ കറൻസി പിടികൂടി. അബുദാബിയിലേക്ക് പോകാനെത്തിയ വടകര ഓർക്കാട്ടേരി സ്വദേശി വിപിൻ വേണുവിൽ നിന്നാണ് അനധികൃതമായി കൊണ്ടുപോകുന്ന വിദേശ കറൻസി പിടിച്ചത്. യു.എസ്. സോളർ, യു.എ.ഇ. ദിർഹം, ചൈനീസ് യുവാൻ എന്നിവയാണ് കൂടിയത്. സി.ഐ.എസ്.എഫ്. പിടികൂടിയ വിദേശ കറൻസി കസ്റ്റംസിന് കൈമാറുകയായിരുന്നു. കസ്റ്റംസ് അസി. കമ്മീഷണർ ഇ. വികാസിന്റെ നേതൃത്വത്തിലാണ് പരിശോധന നടത്തിയത്.