232 പേർക്ക് സമ്പർക്കം

കണ്ണൂർ: ജില്ലയിൽ 260 പേർക്ക് ഇന്നലെ കൊവിഡ് ബാധ സ്ഥിരീകരിച്ചു. 232 പേർക്ക് സമ്പർക്കം മൂലമാണ് രോഗബാധ. രണ്ടു പേർ വിദേശത്തു നിന്നും 16 പേർ ഇതര സംസ്ഥാനങ്ങളിൽ നിന്നും എത്തിയവരും 10 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 7014 ആയി. ഇവരിൽ ഇന്നലെ രോഗമുക്തി നേടിയ 93 പേരടക്കം രോഗം ഭേദമായവരുടെ എണ്ണം 4475 ആയി. ജില്ലയിൽ കൊവിഡ് പോസിറ്റീവ് കേസുകളിൽ 1376 പേർ വീടുകളിലും ബാക്കി 842 പേർ വിവിധ ആശുപത്രികളിലും സി.എഫ്.എൽ.ടി.സികളിലുമായാണ് ചികിത്സയിൽ കഴിയുന്നത്.

നിലവിൽ ജില്ലയിൽ നിരീക്ഷണത്തിലുള്ളത് 15125 പേരാണ്. ഇതുവരെ 97450 സാമ്പിളുകൾ പരിശോധനയ്ക്ക് അയച്ചതിൽ 96785 എണ്ണത്തിന്റെ ഫലം വന്നു. 665 എണ്ണത്തിന്റെ ഫലം ലഭിക്കാനുണ്ട്.