കാസർകോട്:ജില്ലയിൽ 145 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 130 പേർക്കും ഇതരസംസ്ഥാനത്ത് നിന്നെത്തിയ 5 പേർക്കും വിദേശത്ത് നിന്നെത്തിയ 10 പേർക്കുമാണ് ഇന്ന് കോവിഡ് സ്ഥിരീകരിച്ചത്. 121 പേർക്ക് കൊവിഡ് നെഗറ്റീവായെന്ന് ജില്ലാ മെഡിക്കൽ ഓഫീസർ ഡോ. എ.വി. രാംദാസ് പറഞ്ഞു.

വീടുകളിൽ 3589 പേരും സ്ഥാപനങ്ങളിൽ 1260 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4849 പേരാണ്. പുതിയതായി 214 പേരെ കൂടി നിരീക്ഷണത്തിലാക്കി.

8005 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 652 പേർ വിദേശത്ത് നിന്നെത്തിയവരും 480 പേർ ഇതരസംസ്ഥാനത്ത് നിന്നെത്തിയവരും 6873 പേർക്ക് സമ്പർക്കത്തിലൂടെയുമാണ് രോഗം സ്ഥിരീകരിച്ചത്. 5916 പേർ ഇതുവരെ രോഗമുക്തരായി. കൊവിഡ് ബാധിച്ച് മരണപ്പെട്ടവ‌ർ 66 പേരായി.