കണ്ണൂർ: പ്രളയക്കെടുതി, കൊവിഡ് തുടങ്ങി വിവിധ കാരണങ്ങളാൽ വായ്‌പ തിരിച്ചടക്കാൻ കഴിയാത്ത ഇടപാടുകാരെ സഹായിക്കാൻ കേരളാ ബാങ്കിൽ നവകേരളീയം ഒറ്റത്തവണ തീർപ്പാക്കൽ പദ്ധതി ആരംഭിച്ചു. സ്വർണപ്പണയ വായ്‌പ, നിക്ഷേപ വായ്‌പ എന്നിവ ഒഴികെ 2020 ആഗസ്റ്റ് 31വരെ പൂർണമായോ ഭാഗികമായോ കുടിശ്ശിക ആയ 50 ലക്ഷം രൂപ വരെയുള്ള വായ്പകൾ പലിശ ഇളവുകളോടെ അടച്ചുതീർക്കാൻ കഴിയും.

50 ലക്ഷം മുകളിൽ ഉള്ള വായ്‌പകളിൽ പിഴപ്പലിശ പൂർണമായും ഒഴിവാക്കും. നിഷ്ക്രിയ ആസ്തിയായ കാലപ്പഴക്കമുള്ള വായ്‌പകൾ, ആർബിട്രേഷൻ/ എക്സിക്യൂഷൻ, സർഫേസി കേസുകളിൽ ഉൾപ്പെട്ട വായ്‌പകൾ, മാരക രോഗം ബാധിച്ചവരുടെയും പട്ടികജാതി, പട്ടികവർഗ വിഭാഗങ്ങളുടെയും മത്സ്യത്തൊഴിലാളികളുടെയും വായ്‌പകൾ, ശമ്പള സർട്ടിഫിക്കറ്റിന്റെ ജ്യാമ്യത്തിൽ എടുത്ത വായ്‌പകൾ, വിദ്യാഭ്യാസ വായ്‌പകൾ, എസ്.എച്ച്.ജി, ജെ.എൽ.ജി വായ്പകൾ തുടങ്ങിയവയിൽ പലിശ ഇളവുകൾ അനുവദിക്കും. കൂടുതൽ വിവരങ്ങൾക്ക് കേരള ബാങ്കിന്റെ അതത് ശാഖകളുമായി ബന്ധപ്പെടുക.