കാസർകോട്: ജില്ലയിൽ 321 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 299 പേർക്കും ഇതരസംസ്ഥാനത്ത് നിന്നെത്തിയ 11 പേർക്കും വിദേശത്ത് നിന്നെത്തിയ 11 പേർക്കുമാണ് ഇന്നലെ കൊവിഡ് പോസിറ്റീവായത്. 163 പേർ രോഗമുക്തരായി.

10,787 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 731 പേർ വിദേശത്ത് നിന്നെത്തിയവരും 559 പേർ ഇതരസംസ്ഥാനത്ത് നിന്നെത്തിയവരും 9497 പേർക്ക് സമ്പർക്കത്തിലൂടെയുമാണ് രോഗംബാധിച്ചത്. 7940 പേർക്ക് ഇതുവരെ കൊവിഡ് നെഗറ്റീവായി. നിലവിൽ 2763 പേരാണ് കോവിഡ് ചികിത്സയിലുള്ളത്. ഇതിൽ 1397 പേർ വീടുകളിലാണ്.

ജില്ലയിൽ ആകെ നിരീക്ഷണത്തിലുള്ളത് 4412 പേരാണ്. ഇതിൽ വീടുകളിൽ 3179 പേരും സ്ഥാപനങ്ങളിൽ 1233 പേരുമാണുള്ളത്. പുതിയതായി 370 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം 2810 സാമ്പിളുകൾ കൂടി പരിശോധനയ്ക്ക് അയച്ചു. 417 പേരുടെ പരിശോധനാ ഫലം ലഭിക്കാനുണ്ട്.