കോഴിക്കോട് : എസ്.എൻ.ഡി.പി യോഗം കോഴിക്കോട് യൂണിയൻ സംഘടിപ്പിക്കുന്ന ശ്രീനാരായണഗുരുദേവ ജയന്തി ആഘോഷവും അത്താണിക്കൽ ശ്രീനാരായണ ഗുരുവരാശ്രമം ശതാബ്ദി ആഘോഷവും വീഡിയോ കോൺഫറൻസ് വഴി മിസോറാം ഗവർണർ പി.എസ്. ശ്രീധരൻ പിള്ള ഇന്ന് ഉച്ചയ്ക്ക് 3.30ന് ഉദ്ഘാടനം ചെയ്യും.

അത്താണിക്കൽ ശ്രീനാരായണ സെൻട്രൽ സ്കൂൾ ഹാളിൽ നടക്കുന്ന ചടങ്ങിൽ സ്വാമി സച്ചിദാനന്ദ ( ശിവഗിരി മഠം) അനുഗ്രഹ പ്രഭാഷണവും എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി മുഖ്യപ്രഭാഷണവും നടത്തും. യൂണിയൻ പ്രസിഡന്റ് ഷനൂപ് താമരക്കുളം അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് രാജീവ് കുഴിപ്പള്ളി യൂണിയൻ കൗൺസിലർ അഡ്വ. എം.രാജൻ വനിതാസംഘം യൂണിയൻ സെക്രട്ടറി ലീല വി മലേശൻ എന്നിവർ പ്രസംഗിക്കും. യൂണിയൻ സെക്രട്ടറി സുധീഷ് കേശവപുരി സ്വാഗതവും യോഗം ഡയറക്ടർ കെ.ബിനുകുമാർ നന്ദിയും പറയും. കൊവിഡ് കാരണം ഘോഷയാത്രയും അനുബന്ധ പരിപാടികളും ഒഴിവാക്കി. രാവിലെ ആറുമണിക്ക് ആശ്രമത്തിൽ മഹാഗണപതിഹോമം, ശാന്തി ഹവനം, വിശേഷാൽ ഗുരുപൂജ, സർവൈശ്വര്യപൂജ,പ്രസാദ ഊട്ട് എന്നിവ നടക്കും.

.