സുൽത്താൻ ബത്തേരി: ആളില്ലാത്ത വീട് കുത്തിത്തുറന്ന്
പണവും സ്വർണ്ണാഭരണവും മോഷ്ടി​ച്ചു. സുൽത്താൻ
ബത്തേരിയിലെ യെസ്ഭാരത് വസ്ത്രാലയ ഉടമ അയൂബിന്റെ മന്തൊണ്ടികുന്നിലെ വീട്ടിലാണ് മോഷണം നടന്നത്. 7 പവൻ സ്വർണ്ണാഭരണവും 15,000 രൂപയും അപഹരിച്ചു. മോഷണം നടക്കുന്ന സമയത്ത് വീട്ടിൽ ആരും ഉണ്ടായിരുന്നില്ല. വീട്ടുകാർ
അടൂരിലെ തറവാട്ട് വിട്ടിൽ പോയതായിരുന്നു.
വീട്ടിൽ ആളില്ലാത്തതിനാൽ വീട് നോക്കാനായി ഏൽപ്പിച്ച ആൾ ഇന്നലെ രാവിലെ വീടിന് പുറത്തെ ലൈറ്റ് ഓഫ് ചെയ്യാൻ എത്തിയപ്പോഴാണ് വീട് കുത്തിത്തുറന്ന നിലയിൽ കണ്ടത്. വീടിന്റെ പിറകിലത്തെ വാതിൽ കുത്തിതുറന്നാണ് മോഷ്ടാക്കൾ അകത്ത് കടന്നത്. അലമാര കുത്തിത്തുറന്ന് അതിൽ സൂക്ഷിച്ചിരുന്ന പണവും സ്വർണ്ണവുമാണ്
അപഹരിച്ചത്.

വീട്ടിൽ സ്ഥാപിച്ച സി.സി.ടിവി തുണികൊണ്ട് മറച്ചുവെച്ച നിലയിലായിരുന്നു.
ബത്തേരി പൊലീസ് സ്ഥലത്തെത്തി പ്രഥമിക പരിശോധന നടത്തി കേസെടുത്ത് അന്വേഷണം ആരംഭിച്ചു.