*15 പേർക്ക് സമ്പർക്കത്തിൽ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 18 പേർക്ക് കൂടി​ കൊവിഡ് സ്ഥിരീകരിച്ചു. ഇതര സംസ്ഥാനങ്ങളിൽ നിന്ന് വന്ന 3 പേർക്കും സമ്പർക്കത്തിലൂടെ 15 പേർക്കുമാണ് രോഗബാധ. 17 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1560 ആയി. ഇതിൽ 1338 പേർ രോഗമുക്തരായി. 222 പേരാണ് ഇപ്പോൾ ചികിത്സയിലുള്ളത്.

രോഗം ബാധിച്ചവർ:

മീനങ്ങാടി സമ്പർക്കത്തിലുള്ള മീനങ്ങാടി സ്വദേശികളായ 7 പേർ (6 പുരുഷന്മാർ ഒരു സ്ത്രീ), കൃഷ്ണഗിരി സ്വദേശി (40), കണ്ണൂർ പാനൂർ സ്വദേശി (40), കൂത്തുപറമ്പ് സ്വദേശി (42), മേപ്പാടി സ്വദേശി (21), വാഴവറ്റ സ്വദേശി (56), മീനങ്ങാടി താമസിക്കുന്ന നാഗാലാൻഡ് സ്വദേശികൾ (25, 23), വെള്ളമുണ്ട സമ്പർക്കത്തിലുള്ള വെള്ളമുണ്ട സ്വദേശിനി (26) എന്നിവരാണ് സമ്പർക്കത്തിലൂടെ രോഗബാധിതരായത്.

ഓഗസ്റ്റ് 30 ന് ബാംഗ്ലൂരിൽ നിന്ന് വന്ന കെല്ലൂർ സ്വദേശി (30), ഓഗസ്റ്റ് 31 ന് ബാംഗ്ലൂരിൽ നിന്ന് വന്ന ആറാട്ടുതറ സ്വദേശികൾ (32), തമിഴ്നാട് സ്വദേശിയായ ചരക്കു വാഹന ഡ്രൈവർ (21) എന്നിവർ ഇതര സംസ്ഥാനങ്ങളിൽ നിന്ന് എത്തി രോഗബാധിതരായി.

രോഗ മുക്തി നേടി​യവർ:

ബത്തേരി, മുണ്ടക്കുറ്റി സ്വദേശികളായ മൂന്ന് പേർ വീതം, രണ്ട് മേപ്പാടി സ്വദേശികൾ, കൽപ്പറ്റ, പുൽപ്പള്ളി, കാക്കവയൽ, കെല്ലൂർ, അട്ടമല, പാക്കം, വരദൂർ, കോറോം സ്വദേശികളായ ഓരോരുത്തരും ഒരു പന്തല്ലൂർ സ്വദേശിയുമാണ് രോഗം ഭേദമായി ഡിസ്ചാർജ് ആയത്.

ഇന്ന് നിരീക്ഷണത്തിലായത് 131 പേർ

185 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 2977 പേർ

247 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 969 സാമ്പിളുകൾ

ഇതുവരെ അയച്ചത് 52160 സാമ്പിളുകൾ

ഫലം ലഭിച്ചത് 50205

48645 നെഗറ്റീവും 1560 പോസിറ്റീവും

കണ്ടൈൻമെന്റ് സോൺ

പൂതാടി ഗ്രാമ പഞ്ചായത്തിലെ വാർഡ് 14 ( കോളേരി ) കണ്ടൈൻമെന്റ് സോണായി ജില്ലാ കളക്ടർ പ്രഖ്യാപിച്ചു.