258 പേർ നിരീക്ഷണത്തിൽ

കൽപ്പറ്റ: വയനാട് ജില്ലയിൽ ഇന്നലെ 20 പേർക്ക് കൊവിഡ് സ്ഥിരീകരിച്ചു. ഇതര സംസ്ഥാനങ്ങളിൽ നിന്ന് വന്ന 6 പേർക്കും സമ്പർക്കത്തിലൂടെ 14 പേർക്കുമാണ് രോഗബാധ. 29 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1664 ആയി. ഇതിൽ 1399 പേർ രോഗമുക്തരായി. 257 പേരാണ് ഇപ്പോൾ ചികിത്സയിലുള്ളത്.

സമ്പർക്കം വഴിരോഗം ബാധിച്ചവർ:

മൂലങ്കാവ് ബാങ്ക് സമ്പർക്കത്തിലുള്ള 3 ചെറുപുഴ സ്വദേശികൾ (52,78, 59), മീനങ്ങാടി സമ്പർക്കത്തിലുള്ള 5 മീനങ്ങാടി സ്വദേശികൾ (35,4,18,49,13), പനവല്ലി സ്വദേശി (20), തരുവണ സ്വദേശി (22), അഞ്ചുകുന്ന് സ്വദേശി (39), പൂതാടി സമ്പർക്കത്തിലുള്ള മൂടകൊല്ലി സ്വദേശി (2), പടിഞ്ഞാറത്തറ സമ്പർക്കത്തിലുള്ള പുതുശ്ശേരികടവ് സ്വദേശി (23), ബീനാച്ചി സമ്പർക്കത്തിലുള്ള ബീനാച്ചി സ്വദേശി (30) എന്നിവരാണ് സമ്പർക്കത്തിലൂടെ രോഗബാധിതരായത്.

മറ്റു സംസ്ഥാനങ്ങളിൽ നിന്ന് എത്തിയവർ:

ഓഗസ്റ്റ് 28 ന് കർണാടകയിൽ നിന്ന് വന്ന വരദൂർ സ്വദേശി (42), സെപ്തംബർ നാലിന് ആന്ധ്രപ്രദേശിൽ നിന്ന് വന്ന പുൽപ്പള്ളി സ്വദേശി (23), അന്ന് തന്നെ നാഗ്പൂരിൽ നിന്ന് വന്ന ലോറി ഡ്രൈവർമാർ തവിഞ്ഞാൽ സ്വദേശി (39), നല്ലൂർനാട് സ്വദേശി (39), ഓഗസ്റ്റ് 28ന് പഞ്ചാബിൽ നിന്ന് വന്ന റിപ്പൺ സ്വദേശിനി (45), സെപ്തംബർ നാലിന് ബംഗളുരുവിൽ നിന്ന് വന്ന പനമരം സ്വദേശിനി (66) എന്നിവരാണ് ഇതര സംസ്ഥാനങ്ങളിൽ നിന്ന് എത്തി രോഗം സ്ഥിരീകരിച്ചത്.

രോഗമുക്തി നേടിയവർ:

8 സുൽത്താൻബത്തേരി സ്വദേശികൾ, 3 വാളാട് സ്വദേശികൾ, പുതുശ്ശേരി കടവ്, നല്ലൂർനാട് സ്വദേശികളായ 2 പേർ വീതം, ചെതലയം, ചൂരൽമല, മൂലങ്കാവ്, മുണ്ടക്കുറ്റി, മുണ്ടക്കൈ, കണിയാരം, പൂതാടി, പേരിയ, ചീരാൽ, മീനങ്ങാടി സ്വദേശികളായ ഓരോരുത്തരും 2 തമിഴ്നാട് സ്വദേശികളും 2 കർണാടക സ്വദേശികളുമാണ് രോഗം ഭേദമായി ഡിസ്ചാർജ് ആയത്.

ഇന്നലെ നിരീക്ഷണത്തിലായത് 258 പേർ

242 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 2908 പേർ

290 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 1348 സാമ്പിളുകൾ

ഇതുവരെ അയച്ചത് 54571 സാമ്പിളുകൾ

ഫലം ലഭിച്ചത് 52739

51075 നെഗറ്റീവും 1664 പോസിറ്റീവും

കണ്ടൈൻമെന്റ് സോൺ ഒഴിവാക്കി

പടിഞ്ഞാറത്തറ ഗ്രാമ പഞ്ചായത്തിലെ 6, 8, 9, 10 വാർഡുകൾ കണ്ടെയ്ൻമെന്റ് സോൺ പരിധിയിൽ നിന്ന് ഒഴിവാക്കി.

കണ്ടൈൻമെന്റ് സോൺ

സുൽത്താൻ ബത്തേരി നഗരസഭ ഡിവിഷൻ 1 പ്രദേശം ഇന്ന് ഉച്ചയ്ക്ക് 12 മണി മുതൽ കണ്ടെയ്ൻമെന്റ് സോണായി ജില്ലാ കളക്ടർ പ്രഖ്യാപിച്ചു.