224 പേർ കൂടി നിരീക്ഷണത്തിൽ

കൽപ്പറ്റ: വയനാട് ജില്ലയിൽ ഇന്നലെ 4 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. ആർ. രേണുക അറിയിച്ചു. ഇതര സംസ്ഥാനങ്ങളിൽ നിന്നെത്തിയ 2 പേർക്കും സമ്പർക്കത്തിലൂടെ 2 പേർക്കുമാണ് രോഗബാധ. 20 പേർ രോഗമുക്തി നേടി. ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1708 ആയി. ഇതിൽ 1449 പേർ രോഗമുക്തരായി. 250 പേരാണ് ഇപ്പോൾ ചികിത്സയിലുള്ളത്.

രോഗം ബാധിച്ചവർ:

സെപ്തംബർ 5 ന് ബംഗളുരുവിൽ നിന്നെത്തിയ വെളളമുണ്ട സ്വദേശിനി (28), 6 ന് ആന്ധ്രപ്രദേശിൽ നിന്ന് വന്ന മീനങ്ങാടി സ്വദേശി (35), അമ്പലവയൽ സമ്പർക്കത്തിലുളള വടുവഞ്ചാൽ സ്വദേശിനി (49), കോഴിക്കോട് മെഡിക്കൽ കോളേജിൽ ചികിൽസയ്ക്ക് പോയ രോഗിയുടെ കൂടെ നിന്ന ചെന്നലോട് സ്വദേശി (47) എന്നിവരാണ് രോഗം സ്ഥിരീകരിച്ച് അഡ്മിറ്റായത്.

രോഗമുക്തി നേടിയത്:

പിണങ്ങോട് സ്വദേശികളായ മൂന്ന് പേർ, ചെതലയം, മേപ്പാടി, മുണ്ടക്കൈ, കാക്കവയൽ, മാടക്കുന്ന് സ്വദേശികളായ രണ്ട് പേർ വീതം, പുത്തൂർവയൽ, പുതുശ്ശേരികടവ്, കുപ്പാടി, പടിഞ്ഞാറത്തറ സ്വദേശികളായ ഓരോരുത്തർ, പാലക്കാട്, കൊയിലാണ്ടി എന്നിവിടങ്ങളിലെ ഓരോരുത്തർ, ഒരു കർണാടക സ്വദേശി എന്നിവരാണ് രോഗം ഭേദമായി ആശുപത്രി വിട്ടത്.

ഇന്നലെ നിരീക്ഷണത്തിലായത് 224 പേർ

259 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 2602 പേർ

299 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 277 സാമ്പിളുകൾ

ഇതുവരെ അയച്ചത് 57039 സാമ്പിളുകൾ

ഫലം ലഭിച്ചത് 54828.

53120 നെഗറ്റീവും 1708 പോസിറ്റീവും