രാമനാട്ടുകര : കൊവിഡ് വ്യാപനത്തിന്റെ പേരിൽ വ്യാപാര സ്ഥാപനങ്ങൾ മാത്രം വീണ്ടും അടപ്പിക്കുന്നതിൽ നിന്ന് അധികൃതർ പിന്തിരിയണമെന്ന് കേരള വ്യാപാരി വ്യവസായി ഏകോപന സമിതി രാമനാട്ടുകര യൂണിറ്റ് യോഗം ആവശ്യപെട്ടു.
ലോക്ക് ഡൗൺ കാലത്ത് അടഞ്ഞ് കിടന്ന വ്യാപാര സ്ഥാപനങ്ങൾ കണ്ടയ്ൻമെൻറിന്റെ പേരിൽ വീണ്ടും അടപ്പിക്കുന്നത് വലിയ പ്രതിസന്ധിയാണുണ്ടാക്കുക. അശാസ്ത്രീയ വാർഡ് വിഭജനത്തിന്റെ പേരിൽ പോസിറ്റീവ് കേസ് വന്നാലും വ്യാപാര സ്ഥാപനങ്ങൾ ഉൾപ്പെടെ അടച്ചിടേണ്ടി വരികയാണ്. അതേസമയം, കൂടുതൽ ആളുകൾ വരുന്ന ബാങ്കുകൾ മറ്റു പൊതുമേഖലാ സ്ഥാപനങ്ങൾ എന്നിവ കണ്ടയ്ൻമെന്റ് സോണിൽ പ്രവർത്തിക്കുന്നുമുണ്ട്.
യോഗത്തിൽ യൂണിറ്റ് പ്രസിഡൻറ് അലി പി. ബാവ അദ്ധ്യക്ഷത വഹിച്ചു. സലീം രാമനാട്ടുകര, പി എം അജ്‌മൽ, കെ കെ ശിവദാസ്, അസ്ലം പാണ്ടികശാല, സി അബ്ദുൽ ഖാദർ, പി പി എ നാസർ, സി ദേവൻ, ടി മമ്മദ് കോയ, പി സി നളിനാക്ഷൻ, പി ടി ചന്ദ്രൻ, എ കെ അബ്ദുൽ റസാഖ് ,എം കെ സമീർ എന്നിവർ സംസാരിച്ചു.