കടലുണ്ടി: നിർ​​ധനർക്കും പ്രായാധിക്യം ചെന്നവർക്കും അനാഥർക്കുമായി നവധാര കടലുണ്ടിയുടെ സ്നേഹ ഭവൻ ഡേ കെയർ ഹോം ഒരുങ്ങുന്നു. മണ്ണൂർ വളവിന് സമീപം പട്ടയിൽ അറ​മുഖ​ൻ സൗജന്യമായി നൽകിയ സ്ഥലത്താണ് സ്നേഹഭവൻ നിർമ്മിക്കുന്നത്. ഇതിനായി ജനകീയ ഭരണസമിതിക്ക് രൂപം നൽകി.

സമിതി രൂപീകരണ യോഗം കടലുണ്ടി ഗ്രാമപഞ്ചായത്ത് പ്രസിഡന്റ് സി.കെ.അജയകുമാർ ഉദ്ഘാടനം ചെയ്തു. പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പിലാക്കാട്ട് ഷൺമുഖൻ അ​ദ്ധ്യക്ഷ​ത ​ വഹിച്ചു. എഴുത്തുകാരൻ ഭാനുപ്രകാശ് മുഖ്യാതിഥിയായിരുന്നു. ഉദയൻ കാർക്കോളി പദ്ധതി വിശദീകരിച്ചു. ബ്ലോക്ക് മെമ്പർ എൻ.കെ.ബാച്ചിക്കോയ, എൻ.വി.ബാദുഷ, സി.സി.ബാവ, ആസിഫ്​,​ ​ എം.ചായിച്ചുട്ടി, വെൺമണി ഹരിദാസ്, ടി.ഉൻമേഷൻ, എ.സിദ്ധാർത്ഥൻ എന്നിവർ സംസാരിച്ചു. കെ.മുരളീധര ഗോപൻ സ്വാഗതവും പി.പി രാമചന്ദ്രൻ നന്ദിയും പറഞ്ഞു.