തൂണേരി: കേന്ദ്ര സർക്കാരിന്റെ തൊഴിലാളി വിരുദ്ധ നയങ്ങൾക്കെതിരെയുള്ള പ്രക്ഷോഭത്തിന്റെ ഭാഗമായി സംയുക്ത ട്രേഡ് യൂണിയന്റെ ആഭിമുഖ്യത്തിൽ തൂണേരി പോസ്റ്റ് ഓഫീസിനു മുന്നിൽ ധർണ നടത്തി. എച്ച്.എം.എസ് ജില്ലാ വൈസ് പ്രസിഡന്റ് പി.എം നാണു ഉദ്ഘാടനം ചെയ്തു. ടി. രാമകൃഷ്ണൻ അദ്ധ്യക്ഷത വഹിച്ചു. സി.ഐ.ടി.യു തൂണേരി ഏരിയാ പ്രസിഡന്റ് കുന്നുമ്മൽ ബാലൻ, കെ. ഭാസ്കരൻ, ടി. ചന്ദ്രൻ, പി. കുമാരൻ എന്നിവർ പ്രസംഗിച്ചു.