വടകര: അഴിയൂർ പഞ്ചായത്തിൽ തൊഴിലുറപ്പ് പദ്ധതിയിൽ ഉൾപ്പെടുത്തി 3 ലക്ഷം രൂപയുടെ റോഡ് പ്രവൃത്തി തുടങ്ങി. 253 തൊഴിൽ ദിനങ്ങൾ സൃഷ്ടിക്കുന്ന 360 മീറ്റർ റോഡ് സോളിംഗ് പ്രവൃത്തിയാണ് നടക്കുന്നത്. ഏഴാം വാർഡ് വാണിയത്ത് മുക്ക് കുന്നുമ്മൽ റോഡ് പ്രവൃത്തി പഞ്ചായത്ത് പ്രസിഡന്റ് വി.പി ജയൻ ഉദ്ഘാടനം ചെയ്തു. വാർഡ് മെമ്പർ വഫ ഫൈസൽ അദ്ധ്യക്ഷത വഹിച്ചു. പഞ്ചായത്ത് സെക്രട്ടറി ടി.ഷാഹുൽ ഹമീദ്, മുൻ പഞ്ചായത്ത് പ്രസിഡന്റ് ഇ.ടി അയ്യൂബ്, തൊഴിലുറപ്പ് ഓവർസിയർ കെ രഞ്ചിത്ത്, വി.കെ സുധ എന്നിവർ പ്രസംഗിച്ചു.