കുന്ദമംഗലം : വെൽഫെയർ പാർട്ടി കുന്ദമംഗലം പഞ്ചായത്ത് തിരഞ്ഞെടുപ്പ് കൺവെൻഷൻ ജില്ലാ സെക്രട്ടറി ഇ.പി. അൻവർ സാദത്ത് ഉദ്ഘാടനം ചെയ്തു. പ്രാദേശിക വികസനം എന്ന വിശാല കാഴ്ചപ്പാടോടെ, തദ്ദേശ തിരഞ്ഞെടുപ്പിൽ വെൽഫെയർ പാർട്ടി മതനിരപേക്ഷ മുന്നണികളുമായി യോജിച്ചു മത്സരിക്കുമെന്ന് അൻവർ സാദത്ത് പറഞ്ഞു. പഞ്ചായത്ത് കമ്മിറ്റി പ്രസിഡണ്ട് സി. അബ്ദുറഹ്‌മാൻ അദ്ധ്യക്ഷത വഹിച്ചു. കുന്ദമംഗലം പഞ്ചായത്തിൽ പതിമൂന്ന് വാർഡുകളിൽ ഇലക്ഷൻ കമ്മിറ്റി രൂപീകരിച്ചു. ഇലക്ഷൻ കമ്മിറ്റി ചെയർമാനായി സി. അബ്ദുറഹ്‌മാനേയും, കൺവീനറായി അഡ്വ. അബ്ദുൽ വാഹിദിനെയും യോഗം തെരഞ്ഞെടുത്തു. എസ്.പി. മധുസൂദനൻ നായർ, സലീം മേലേടത്ത്, ഇൻസാഫ് പതിമംഗലം, പി.കെ. ബിന്ദു, സി.പി. സുമയ്യ, തൗഹീദ അൻവർ, പി. വേണു, പി.എം. ശരീഫുദ്ധീൻ, പി.ചിത്ര എന്നിവർ പ്രസംഗിച്ചു.