കോട്ടയം: ആഗസ്റ്റ് 24 മുതൽ സെപ്തംബർ രണ്ടു വരെ ജില്ലയിൽ കൊവിഡ് പ്രതിരോധ മാർഗനിർദേശങ്ങൾ ലംഘിച്ചവരിൽനിന്ന് പിഴയിനത്തിൽ പൊലീസ് ഈടാക്കിയത് 14.8 ലക്ഷം രൂപ.

സമൂഹിക അകലം പാലിക്കാത്തതിന് 6900 പേർക്കും മാസ്‌ക്ക് ധരിക്കാത്തതിന് 4301 പേർക്കും പിഴയൊടുക്കേണ്ടിവന്നു. ഏറ്റവും കൂടുതൽ തുക പിഴ ഈടാക്കിയത് ആഗസ്റ്റ് 29നാണ്- 203400 രൂപ.

ക്വാറന്റൈൻ ലംഘിച്ച ഒൻപതു പേർ ഉൾപ്പെടെ 258 പേർക്കെതിരെ കേസ് രജിസ്റ്റർ ചെയ്തു. ജില്ലാ കളക്ടർ രൂപീകരിച്ച ക്വിക് റെസ്പോൺസ് ടീമുകളുടെ പരിശോധനയെത്തുടർന്ന് സ്വീകരിച്ച നടപടികൾക്ക് പുറമെയാണിത്. എല്ലാ കേന്ദ്രങ്ങളിലും പരിശോധന തുടരുമെന്ന് ജില്ലാ പൊലീസ് മേധാവി ജി. ജയദേവ് അറിയിച്ചു.