സോണിയഗാന്ധി ഉദ്ഘാടനം ചെയ്യും

കോട്ടയം : മുൻ മുഖ്യമന്ത്രി ഉമ്മൻചാണ്ടിയുടെ നിയമസഭാഗത്വത്തിന്റെ സുവർണ ജൂബിലി ആഘോഷ പരിപാടികൾ 17 ന് കോൺഗ്രസ് അദ്ധ്യക്ഷ സോണിയാഗാന്ധി വീഡിയോ കോൺഫറൻസിലൂടെ ഉദ്ഘാടനം ചെയ്യും. കൊവിഡ് മാനദണ്ഡങ്ങൾ പാലിച്ച് കോട്ടയം ദർശന ഓഡിറ്റോറിയത്തിൽ നടക്കുന്ന ചടങ്ങിൽ സാമൂഹ്യ - രാഷ്ട്രീയ , സാമുദായിക രംഗത്തെ 50 പ്രമുഖ വ്യക്തികൾ പങ്കെടുക്കും. പരിപാടിയുടെ വിജയത്തിനായി സംഘാടകസമിതി രൂപീകരിച്ചു. ഡി.സി.സി പ്രസിഡന്റ് ജോഷി ഫിലിപ്പ് അദ്ധ്യക്ഷത വഹിച്ചു. എം.എൽ.എമാരായ തിരുവഞ്ചൂർ രാധാകൃഷ്ണൻ, കെ.സി.ജോസഫ് , കെ.പി.സി.സി നേതാക്കളായ കുര്യൻ ജോയ്, ജോസഫ് വാഴയ്ക്കൻ, എം.എം.നസീർ, ടോമി കല്ലാനി, ലതിക സുഭാഷ്, പി.ആർ.സോന, പി.എ.സലീം, ഫിലിപ്പ് ജോസഫ് ,നാട്ടകം സുരേഷ് എന്നിവർ പ്രസംഗിച്ചു. 20 ലക്ഷം ആളുകൾക്ക് തത്സമയം കാണുന്ന വിധത്തിലുള്ള ഓൺലൈൻ സംവിധാനമാണ് ഒരുക്കുന്നത്.