പൊൻകുന്നം: ജനസംഘം ജില്ലാ സെക്രട്ടറിയായിരിക്കെ കൊല്ലപ്പെട്ട പൊൻകുന്നം ശ്രീധരൻ നായരുടെ 51ാം ബലിദാന ദിനം ബി.ജെ.പി ആചരിച്ചു. സ്മൃതി മണ്ഡപത്തിൽ പുഷ്പാർച്ചന നടത്തി. 1969 സെപ്തംബർ ഏഴിനാണ് എലിക്കുളം പഞ്ചായത്തിലെ കൂരാലിയിൽ വെച്ച് ഇദ്ദേഹം സി.പി.എം.ആക്രമണത്തിൽ കൊല്ലപ്പെട്ടത്.

ബി.ജെ.പി ചിറക്കടവ് പഞ്ചായത്ത് കമ്മിറ്റി പ്രസിഡന്റ് ജി.ഹരിലാൽ അനുസ്മരണ യോഗത്തിൽ അദ്ധ്യക്ഷത വഹിച്ചു. സംസ്ഥാന ഉപാദ്ധ്യക്ഷ ഡോ.ജെ.പ്രമീളാദേവി, ആർ.എസ്.എസ്.ജില്ലാ കാര്യവാഹ് എ.ബി.ഹരികൃഷ്ണൻ, ബി.ജെ.പി.ജില്ലാപ്രസിഡന്റ് നോബിൾ മാത്യു, സംസ്ഥാന സമിതിയംഗം എൻ.ഹരി, കെ.ജി.കണ്ണൻ, ടി.ബി.ബിനു, എ.ബി ഹരിലാൽ, സരീഷ് പനമറ്റം, രാജേഷ് കർത്താ, ഉഷ ശ്രീകുമാർ, ദീപുമോൻ തുടങ്ങിയവർ പങ്കെടുത്തു.