കോട്ടയം: ജില്ലയിൽ 217 പേർക്കു കൂടി കൊവിഡ് സ്ഥിരീകരിച്ചു. 210 പേർക്കും സമ്പർക്കത്തിലൂടെയാണ് . ആകെ 1699 പരിശോധനാ ഫലങ്ങളാണ് പുതിയതായി ലഭിച്ചത്. രോഗബാധിതരിൽ 35 പേർ അതിരമ്പുഴ ഗ്രാമപഞ്ചായത്തിലാണ്. വാകത്താനം-22, കരൂർ- 21, കോട്ടയം -14, അയ്മനം -8, കുറിച്ചി, ഉഴവൂർ- 6 വീതം, ഏറ്റുമാനൂർ, തിരുവാർപ്പ്, മീനടം, മാടപ്പള്ളി- 5 വീതം എന്നിവയാണ് രോഗം കൂടുതലായി റിപ്പോർട്ട് ചെയ്യപ്പെട്ട മറ്റു സ്ഥലങ്ങൾ. രോഗം ഭേദമായ 107 പേർ കൂടി ആശുപത്രി വിട്ടു. നിലവിൽ 1923 പേരാണ് ചികിത്സയിലുള്ളത്. ഇതുവരെ 5570 പേർ രോഗബാധിതരായി. 3644 പേർ രോഗമുക്തി നേടി.

ജില്ലയിൽ ആകെ 18641 പേർ ക്വാറന്റൈനിൽ കഴിയുന്നുണ്ട്.