മേലുകാവ് : മണ്ഡലത്തിലെ കുടിവെള്ളക്ഷാമം പരിഹരിക്കുന്നതിനാണ് പ്രഥമ പരിഗണനയെന്ന് മാണി സി കാപ്പൻ എം.എൽ.എ പറഞ്ഞു. മേലുകാവ് പഞ്ചായത്തിലെ കൊടിത്തോപ്പ് ഭാഗം കുടിവെള്ള പദ്ധതിയുടെ നിർമ്മാണോദ്ഘാടനം നിർവഹിക്കുകയായിരുന്നു അദ്ദേഹം. വാർഡ് മെമ്പർ അനുരാഗ് പാണ്ടിക്കാട്ട് അദ്ധ്യക്ഷതവഹിച്ചു. പൊതുസമ്മേളനം പഞ്ചായത്ത് പ്രസിഡന്റ് നിഷ ജോസഫ് നടുവിലേടത്ത് ഉദ്ഘാടനം ചെയ്തു. വൈസ് പ്രസിഡന്റ് ജെറ്റോ ജോസഫ് പടിഞ്ഞാറെപ്പീടികയിൽ മുഖ്യപ്രഭാഷണം നടത്തി. ആനൂപ് കെ കുമാർ, ഡോ തോമസ് സി കാപ്പൻ, ജീമോൻ തയ്യിൽ, സഖി സോമൻ, സാം ജോർജ് എന്നിവർ പ്രസംഗിച്ചു.