കോട്ടയം : ജില്ലയിൽ 166 പേർക്ക് കൂടി കൊവിഡ് സ്ഥിരീകരിച്ചതിൽ 159 പേർക്കും സമ്പർക്കം വഴി. 2069 പരിശോധനാ ഫലങ്ങളാണ് പുതിയതായി ലഭിച്ചത്. കോട്ടയം : 17, കടുത്തുരുത്തി : 16, അതിരമ്പുഴ : 14, ഏറ്റുമാനൂർ, തിരുവാർപ്പ് : 9 , മീനടം : 8, അകലക്കുന്നം : 7, കങ്ങഴ : 6, മണർകാട്, ചങ്ങനാശേരി, ഈരാറ്റുപേട്ട, കുറിച്ചി, തൃക്കൊടിത്താനം : 5 എന്നിവിടങ്ങളിലാണ് രോഗം കൂടുതലായി റിപ്പോർട്ട് ചെയ്തത്. 137 പേർ രോഗമുക്തരായി. നിലവിൽ 2083 പേരാണ് ചികിത്സയിലുള്ളത്. ഇതുവരെ 5959 പേർ രോഗബാധിതരായി. 3873 പേർ രോഗമുക്തി നേടി. 18873 പേർ ക്വാറന്റൈനിൽ കഴിയുന്നുണ്ട്.