പന്തത്തല : മാണി സി കാപ്പൻ എം.എൽ.എയുടെ സഹോദരീ ഭർത്താവും വരാപ്പുഴ മെഡിക്കൽ സെന്റർ ഉടമയുമായ മണ്ണനാക്കുന്നേൽ ഡോ.ജോസ് സക്കറിയാസ് (72) നിര്യാതനായി. കാലിക്കറ്റ് യൂണിവേഴ്‌സിറ്റിയുടെ ആദ്യ അത്‌ലറ്റിക് ക്യാപ്ടൻ, കേരള സ്റ്റേറ്റ് അത്‌ലറ്റിക് ടീം ക്യാപ്ടൻ, എറണാകുളം ജില്ല സ്‌പോർട്‌സ് കൗൺസിൽ ഭാരവാഹി എന്നീ നിലകളിൽ സേവനമനുഷ്ഠിച്ചിട്ടുണ്ട്. ഭാര്യ: മുൻ എം.പിയും, എം.എൽ.എയും ആയിരുന്ന ചെറിയാൻ ജെ കാപ്പന്റെ മകൾ മറിയമ്മ. മക്കൾ: അജിത് ജോസ് (എൻജിനിയർ, ഓസ്‌ട്രേലിയ), ചെറി ജോസ് (എൻജിനിയർ, ഓസ്‌ട്രേലിയ). മരുമക്കൾ: ടീന അജിത്, തളിയത്ത്, കടവന്ത്ര, ടിനു ചെറി മണ്ണനാൽ, എറണാകുളം.(ഇരുവരും ഓസ്‌ട്രേലിയ). സഹോദരങ്ങൾ: പ്രൊഫ മേരിക്കുട്ടി എബ്രാഹം, പരേതരായ പ്രൊഫ അലക്‌സാണ്ടർ സക്കറിയാസ്, തങ്കമ്മ തോമസ്. സംസ്‌കാരം നാളെ 2.30 ന് മുത്തോലി സെന്റ് ജോർജ് പള്ളിയിൽ.