കോട്ടയം: ജില്ലയിൽ 122 പേർക്കു കൂടി കൊവിഡ് സ്ഥിരീകരിച്ചു. ഇതിൽ രണ്ട് ആരോഗ്യ പ്രവർത്തകരും സമ്പർക്കം മുഖേന ബാധിച്ച 119 പേരും സംസ്ഥാനത്തിന് പുറത്തുനിന്നെത്തിയ ഒരാളും ഉൾപ്പെടുന്നു. ആകെ 2513 പരിശോധനാ ഫലങ്ങളാണ് പുതിയതായി ലഭിച്ചത്.

കോട്ടയം-18, തൃക്കൊടിത്താനം-10, ചങ്ങനാശേരി-9, വാഴപ്പള്ളി-9, കുറിച്ചി-7, തിരുവാർപ്പ്, നീണ്ടൂർ-6 വീതം, വിജയപുരം, പുതുപ്പള്ളി, വെച്ചൂർ-5 വീതം എന്നിവിടങ്ങളിലാണ് രോഗം കൂടുതലായി റിപ്പോർട്ട് ചെയ്യപ്പെട്ടത്. രോഗം ഭേദമായ 121 പേർ കൂടി ആശുപത്രി വിട്ടു. നിലവിൽ 2155 പേരാണ് ചികിത്സയിലുള്ളത്. ഇതുവരെ 6282 പേർ രോഗബാധിതരായി. 4124 പേർ രോഗമുക്തി നേടി.

ജില്ലയിൽ ആകെ 20415 പേർ ക്വാറന്റൈനിൽ കഴിയുന്നുണ്ട്.