കോട്ടയം : അയ്മനം ഗ്രാമപഞ്ചായത്ത് ടൂറിസം മേഖലയിൽ നടത്തിയ ജനകീയ കൂട്ടായ്മയ്ക്ക് സംസ്ഥാന സർക്കാരിന്റെ അംഗീകാരം. മാതൃക ഉത്തരവാദിത്വ ഗ്രാമം എന്ന പദ്ധതിയിലൂടെ അയ്മനം സംസ്ഥാനത്ത് ഈ പദ്ധതി നടപ്പിലാക്കി വിജയിപ്പിച്ച ആദ്യ പഞ്ചായത്തായി .

അയ്മനം നേടിയത്

സ്പെഷൽ ടൂറിസം ഗ്രാമസഭ :ചീപ്പുങ്കൽ പാർക്ക് പദ്ധതിയും വലിയമടക്കുഴി പദ്ധതിയും സ്പെഷ്യൽ ടൂറിസം ഗ്രാമസഭ പാസാക്കിയതാണ്

 തൊഴിൽ പരിശീലനം : ആദ്യ ഘട്ടത്തിൽ 607 പേർക്ക് പരിശീലനം നൽകി. രണ്ടാം ഘട്ട പരിശീലനത്തിന്റെ ഉദ്ഘാടനം 17 ന് നടക്കും

 ഉത്തരവാദിത്ത ടൂറിസ മിഷനുമായി ബന്ധപ്പെട്ട് 118 സംരംഭങ്ങൾ പ്രവർത്തന സജ്ജമായി.10 എണ്ണം പ്രവർത്തനം ആരംഭിച്ചു. 14 യൂണിറ്റുകളുടെ ഉദ്ഘാടനം 17ന്

 പ്രാദേശിക ടൂറിസം പ്രവർത്തനങ്ങളും ഇവന്റുകളും ആരംഭിച്ചതിന്റെ ഭാഗമായി - ആമ്പൽ ഫെസ്റ്റ് ടൂറിസം മന്ത്രി ഉദ്ഘാടനം ചെയ്തു.

 പരിസ്ഥിതി സൗഹൃദ ടൂർ പാക്കേജുകൾ വില്ലേജ് വാക്ക്, പാഡി ഫീൽഡ് വാക്ക് പദ്ധതികൾ, സൈക്കിൾ ടൂർ പാക്കേജുകൾ നടന്നു വരുന്നു.

 കൾച്ചറൽ എക്സ്പീരിയൻസ് പാക്കേജ് :- സംസ്ഥാനാടിസ്ഥാനത്തിലുള്ള പാക്കേജിൽ അയ്മനത്തെ ഉൾപ്പെടുത്തി പാക്കേജ് തയ്യാറായി. 17ന് പ്രഖ്യാപിക്കും.

 തദ്ദേശ ടൂർ സഹായികൾ / ഗൈഡുമാർ. ഒരു സ്റ്റേറ്റ് ലവൽ ഗൈഡും 24 കമ്യൂണിറ്റി ടൂർ ലീഡർമാരും ഉണ്ട്.

 വാട്ടർ ഔട്ട് ലറ്റുകൾ - 4 വീടുകളിൽ ഓപ്പൺ ഐസ് പ്രോജക്ടുമായി ചേർന്ന് വാട്ടർ ഔട്ട് ലറ്റുകൾ സ്ഥാപിച്ചു.

 മാലിന്യ സംസ്കരണത്തിന് പ്രത്യേക ഊന്നൽ : വീടുകളിൽ നിന്ന് മാലിന്യസംസ്കരണത്തിന് ഗ്രൂപ്പുകളുണ്ട്.

 ടൂറിസം മേഖല പ്ലാസ്റ്റിക് വിമുക്തമാക്കാൻ പദ്ധതി - ഹൗസ് ബോട്ടുകൾ, ശിക്കാരകൾ , മോട്ടോർ ബോട്ടുകൾ എന്നിവയും റിസോർട്ടു പ്ലാസ്റ്റിക് വിമുക്തമായി.

 ഡെസ്റ്റിനേഷൻ കോഡ് ഒഫ് കോണ്ടക്ട് : ടൂറിസ്റ്റുകൾക്കും സ്ഥാപനങ്ങൾക്കും സംരംഭങ്ങൾക്കുമുള്ള കരട് തയ്യാറാക്കി.

പ്രാദേശിക ടൂറിസം റിസോർസ് മാപ്പിങ്ങ് നടത്തി. കരട് ഡയറക്ടറി പഞ്ചായത്തിന് കൈമാറി.

ഇനി നടക്കേണ്ടത്

മാതൃകാ ഉത്തരവാദിത്വ ടൂറിസം ഗ്രാമം പ്രഖ്യാപനം

യൂണിറ്റുകളുടെ ഉദ്ഘാടനം

കൾച്ചറൽ എക്സ്പീരിയൻസ് പാക്കേജ് പ്രഖ്യാപനം

400 പേർക്കുള്ള രണ്ടാം ഘട്ട പരിശീലനം

അക്കോമഡേഷൻ യൂണിറ്റുകളെ ടൂറിസത്തിന്റെ ഭാഗമാക്കൽ