കോട്ടയം: കാലം തെറ്റിയെങ്കിലും കാന്തല്ലൂരിലെ കർഷകർ ആഹ്ളാദതിമിർപ്പിലാണ്. കാന്തല്ലൂരിൽ പച്ചക്കറി വിളവെടുപ്പ് ആരംഭിച്ചു. തരക്കേടില്ലാത്ത വിളവാണ് പച്ചക്കറിക്ക് ലഭിച്ചിരിക്കുന്നത്. കാന്തല്ലൂരിൽ പരക്കെ കൃഷിചെയ്യുന്ന ഉരുളക്കിഴങ്ങിന് വിളവ് കുറഞ്ഞെങ്കിലും വിലയിൽ അല്പം വർദ്ധനവ് ഉണ്ടായത് കർഷകർക്ക് ആത്മവിശ്വാസം നൽകുന്നുണ്ട്.

ഓണത്തിന് പറിക്കേണ്ട പച്ചക്കറികൾ പലതും വിളഞ്ഞത് ഇപ്പോഴാണ്. ഇവിടെ കൃഷിചെയ്യേണ്ട പല വിത്തുകളും എത്തിക്കുന്നത് തമിഴ് നാട്ടിൽ നിന്നാണ്. ലോ​ക്ക് ​ഡൗ​ൺ​ ​നിലനിന്നതിനാൽ തമിഴ്നാട്ടിൽ നിന്നും കൃത്യസമയത്ത് വിത്തുകൾ എത്തിക്കാൻ കഴിഞ്ഞിരുന്നില്ല. അതിനാൽ കൃഷി ഇറക്കിയത് താമസിച്ചാണ്. അതിനാലാണ് ഓണത്തിന് വിളവെടുക്കാൻ സാധിക്കാതെ വന്നത്.

മഴ ചതിച്ചു, കൂടെ രോഗവും

കാ​ന്ത​ല്ലൂ​രി​ലെ​ ​കീ​ഴാ​ന്തൂ​ർ,​ ​പു​ത്തൂ​ർ​ ,​ ​പെ​രു​മ​ല,​ ​ന​രാ​ച്ച് ​എ​ന്നി​വ​ട​ങ്ങ​ളി​ലാ​ണ് ​ഉരുളക്കിഴങ്ങ് കൃഷിചെയ്യുന്നത്. ​ത​രം​തി​രി​ക്കാ​ത്ത ഉരുളക്കിഴങ്ങിന് ​കി​ലോ​യ്ക്ക് 30​-​ 35​ ​രൂ​പ​ ​ല​ഭിക്കുന്നുണ്ട്. ​​45​ ​കി​ലോ​ഗ്രാം​ ​തൂ​ക്കം​ ​വ​രു​ന്ന​ ​ചാ​ക്കു​ക​ളി​ലാ​ക്കി​യാ​ണ് ​വി​ൽ​പ്പ​ന​ ​ന​ട​ത്തു​ന്ന​ത്.
ഒ​രേ​ക്കറി​ൽ​ ​ഉ​രു​ള​ക്കി​ഴ​ങ്ങ് ​കൃ​ഷി​ ​ഇ​റ​ക്കു​ന്ന​തി​ന് 600​ ​മു​ത​ൽ​ 700​ ​കി​ലോ​ ​വി​ത്താ​ണ് ​വേണ്ടിവരിക. ​ജ​ല​ന്ത​ർ​ ​പൊ​ട്ട​റ്റോ​ ​റി​സ​ർ​ച്ച് ​സെ​ന്റ​റി​ൽ​ ​നി​ന്നു​ള്ള​ ​കു​പ്പി​രി​ജ്യോ​തി​ ​എ​ന്ന​ ​കി​ഴ​ങ്ങാ​ണ് ​കാ​ന്ത​ല്ലൂ​ർ​ ​മേ​ഖ​ല​യി​ൽ​ ​പ്ര​ധാ​ന​മാ​യും​ ​ഉ​പ​യോ​ഗി​ക്കു​ന്ന​ത്.​ ​അ​ത്യു​ത​പാ​ത​ന​ ​ശേ​ഷി​യു​ള്ള​ ​ഈ​ ​കി​ഴ​ങ്ങ് ​ഒ​രേ​ക്ക​റി​ൽ നിന്ന് ​ ​എ​ട്ട് ​ട​ൺ​ ​വ​രെ​ ​ല​ഭി​ക്കും.​ എന്നാൽ കാന്തല്ലൂരിൽ ഇക്കുറി അതിന്റെ പകുതി ഉല്പാദനമേ ഉണ്ടായിട്ടുള്ളു. ​കാ​ന്ത​ല്ലൂ​രി​ൽ​ ​വ​ർ​ഷ​ങ്ങ​ളാ​യി​ ​കൃ​ഷി​ ​ചെ​യ്തു​ ​വ​ന്നി​രു​ന്ന​ ​ഇ​ന​ങ്ങ​ളി​ൽ​ ​നി​ന്നും​ ​പൂ​ർ​ണ്ണ​മാ​യും​ ​മാ​റി​ ​മേ​ട്ടു​പ്പാ​ള​യ​ത്ത് ​നി​ന്നും​ ​എ​ത്തിച്ച വിത്താണ് ഇത്തവണ ഇറക്കിയത്. ജൂ​ൺ​ ​പ​കു​തി​ ​മു​ത​ൽ​ ​ല​ഭി​ക്കേ​ണ്ട നൂൽമഴ ഇല്ലാത്തതും ​കൊ​മ്പ്ച്ചാ​വ് ​എ​ന്ന​രോ​ഗ​ബാ​ധ​ ​ബാധിച്ചതും ​ഉ​ത്പാദനത്തെ ദോഷകരമായി ബാധിച്ചതായി കർഷകർ പറയുന്നു.
ഓ​ണ​ക്കാ​ല​ത്ത് ​ഹോ​ർ​ട്ടി​കോ​ർ​പ്പ് 40​ ​-45​ ​രൂ​പ​ നിരക്കിലാണ് ​ഉ​രു​ള​ക്കി​ഴ​ങ്ങ് ​സം​ഭ​രി​ച്ചി​രു​ന്ന​ത്.​ ഓ​ണ​ക്ക​ല​ത്തി​ന് ​ശേ​ഷം​ ​ഹോ​ർ​ട്ടി​കോ​ർ​പ്പ് ​കാ​ന്ത​ല്ലൂ​രി​ൽ​ ​നി​ന്നു​ള്ള​ ​പ​ച്ച​ക്ക​റി​ ​സം​ഭ​ര​ണം​ ​നി​ർ​ത്തി​വ​ച്ചി​രി​ക്കു​ക​യാ​ണ്. ​ഹോ​ർ​ട്ടി​കോ​ർ​പ്പ് ​സം​ഭ​ര​ണം​ ​പു​ന​രാരം​ഭി​ച്ചാ​ൽ​ ​കർഷകർക്ക് തരക്കേടില്ലാത്ത വില ലഭിക്കുമെന്നാണ് കർഷകരുടെ കണക്കുകൂട്ടൽ. ​ഉ​ത്പാ​ദ​ന​ത്തിലുണ്ടായ കുറവ് ഇതിലൂടെ തിരിച്ചുപിടിക്കാമെന്നാണ് കർഷകരുടെ കണക്കുകൂട്ടൽ.