വൈക്കം: പമ്പ ഗണപതി ക്ഷേത്രം മേൽശാന്തിയായി തിരഞ്ഞെടുക്കപ്പെട്ട തലയാഴം വരില്ലത്ത് മഠത്തിൽ സുരേഷ് ആർ പോ​റ്റിക്ക് തൃപ്പക്കുടം ക്ഷേത്രത്തിലെ ജീവനക്കാർ യാത്രയയപ്പ് നൽകി. നിലവിൽ തൃപ്പക്കുടം മഹാദേവ ക്ഷേത്രത്തിലെ കീഴ്ശാന്തിയായ സുരേഷ് ആർ. പോ​റ്റി ശനിയാഴ്ച രാവിലെ ഭഗവാന് പൂജകൾ അർപ്പിച്ച ശേഷമാണ് പമ്പ ഗണപതി ക്ഷേത്രത്തിലേക്ക് പുറപ്പെട്ടത്. സബ് ഗ്രൂപ്പ് ഓഫീസർ എം. ആർ. മോഹനൻ അദ്ധ്യക്ഷത വഹിച്ചു. ക്ഷേത്രം മേൽശാന്തി മുരളീധരൻ നമ്പൂതിരി പൊന്നാട അണിയിച്ചു. മ​റ്റ് ജീവനക്കാരും ഭക്തജനങ്ങളും പങ്കെടുത്തു.