കോട്ടയം : ജില്ലാ കളക്ടർ എം.അഞ്ജന ഒക്ടോബർ 9 ന് നടത്തുന്ന ചങ്ങനാശേരി താലൂക്കുതല പരാതി പരിഹാര അദാലത്തിലേക്ക് പരാതികൾ സമർപ്പിക്കാം. വീടും സ്ഥലവും ലഭ്യമാക്കൽ, മുഖ്യമന്ത്രിയുടെ ചികിത്സാ ധനസഹായ പദ്ധതി, പ്രളയ ദുരിതാശ്വാസ ധനസഹായം, റേഷൻ കാർഡ്, നിലം-തോട്ടം-പുരയിടം ഇനം മാറ്റം എന്നിവ ഒഴികെയുള്ള പരാതികളാണ് അദാലത്തിൽ പരിഗണിക്കുക. 29 ന് രാവിലെ 10 നും വൈകിട്ട് 4 നുമിടയിൽ ചങ്ങനാശേരി താലൂക്കിലെ അക്ഷയ കേന്ദ്രങ്ങൾ വഴി ഇ-ആപ്ലിക്കേഷൻ മുഖേന അപേക്ഷ രജിസ്റ്റർ ചെയ്യണം.

അപേക്ഷകളിൽ വിശദ പരിശോധന നടത്തി തുടർ നടപടികൾ സ്വീകരിക്കും. നേരിട്ട് പരാതിക്കാരുമായി സംസാരിക്കേണ്ട കേസുകളിലാണ് കളക്ടർ വീഡിയോ കോൺഫറൻസ് നടത്തുക. സമയം അപേക്ഷകരെ ഫോണിൽ അറിയിക്കും. നിർദ്ദിഷ്ട സമയത്ത് അപേക്ഷകർ അതത് അക്ഷയ കേന്ദ്രങ്ങളിൽ എത്തണം. തഹസിൽദാർമാർ ഉൾപ്പെടെയുള്ള മറ്റ് ഉദ്യോഗസ്ഥർ അതത് ഓഫീസുകളിൽനിന്ന് അദാലത്തിൽ പങ്കുചേരും.