പൊൻകുന്നം : ചിറക്കടവ് കുരങ്ങൻമലയിൽ ഇടിമിന്നലേറ്റ് പതിമൂന്നുകാരി മരിച്ചു. കട്ടപ്പന ഉപ്പുതറ പുത്തൻപുരയിൽ പി.ആർ.രാജേഷിന്റെ മകൾ അക്ഷയ രാജേഷാണ് മരിച്ചത്. ഇന്നലെ ഉച്ചകഴിഞ്ഞ് രണ്ടോടെ ആയിരുന്നു അപകടം. ബന്ധു വീട്ടിൽ എത്തിയതായിരുന്നു കുട്ടി. ശക്തമായ ഇടിയും മഴയും ഉണ്ടായപ്പോൾ പുറത്തു നിന്ന് വീട്ടിലേക്ക് കയറും വഴിയാണ് രണ്ടുതവണ ഇടിമിന്നലേറ്റത്. ഉടൻ പൊൻകുന്നത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. വീടിനുള്ളിൽ ഉണ്ടായിരുന്ന രാധമ്മ, ഇവരുടെ പേരക്കുട്ടി ദിശ എന്നിവർക്ക് പരിക്കേറ്റു. ഏലപ്പാറ കോൺവന്റ് സ്‌കൂളിലെ എട്ടാം ക്ലാസ് വിദ്യാർത്ഥിനിയാണ് അക്ഷയ. സഹോദരൻ: അഭിജിത്ത്.