കോട്ടയം : ജില്ലയിൽ പുതിയതായി ലഭിച്ച 4803 കൊവിഡ് പരിശോധനാ ഫലങ്ങളിൽ 442 എണ്ണം പോസിറ്റീവ്. 421 പേർക്ക് സമ്പർക്കത്തിലൂടെയാണ് രോഗം ബാധിച്ചത്. എട്ടുപേർ മറ്റു ജില്ലക്കാരാണ്. 12 ആരോഗ്യ പ്രവർത്തകരും സംസ്ഥാനത്തിന് പുറത്തുനിന്നെത്തിയ 9 പേരും രോഗബാധിതരായി. രോഗം ഭേദമായ 140 പേർ കൂടി ആശുപത്രി വിട്ടു. രോഗബാധിതരിൽ 230 പുരുഷൻമാരും,157 സ്ത്രീകളും, 55 കുട്ടികളും ഉൾപ്പെടുന്നു. 56 പേർ 60 വയസിന് മുകളിലുള്ളവരാണ്. ചങ്ങനാശേരി : 34, വാഴപ്പള്ളി : 32, കോട്ടയം : 25, പനച്ചിക്കാട് : 20,ആർപ്പൂക്കര, പാറത്തോട് : 19, ചെമ്പ് : 13, കാഞ്ഞിരപ്പള്ളി : 12, അയ്മനം : 11, പാമ്പാടി : 10, അതിരമ്പുഴ, ഈരാറ്റുപേട്ട : 9, അയർക്കുന്നം, കറുകച്ചാൽ, പുതുപ്പള്ളി, കുറവിലങ്ങാട് : 8, ഏറ്റുമാനൂർ, കരൂർ, തിരുവാർപ്പ് : 7 എന്നിവിടങ്ങളിലാണ് കൂടുതൽ പേർക്ക് രോഗം ബാധിച്ചത്. നിലവിൽ 4248 പേരാണ് ചികിത്സയിലുള്ളത്. ഇതുവരെ 10710 പേർ രോഗബാധിതരായി. 6448 പേർ രോഗമുക്തി നേടി. 21165 പേർ ക്വാറന്റൈനിൽ കഴിയുന്നുണ്ട്.