ന്യൂഡൽഹി: ജെ ഇ ഇ, നീറ്റ് പരീക്ഷകളിൽ മാറ്റമില്ല. പരീക്ഷ നടത്താനുളള തീരുമാനം പുനഃപരിശോധിക്കണമെന്നാവശ്യപ്പെട്ടുളള ഹർജികൾ സുപ്രീംകോടതി തളളുകയായിരുന്നു. പശ്ചിമബംഗാൾ, ജാർഖണ്ഡ്, രാജസ്ഥാൻ, ഛത്തീസ്ഗഢ്, പഞ്ചാബ്, മഹാരാഷ്ട്ര എന്നീ സംസ്ഥാനങ്ങളാണ് സുപ്രീം കോടതിയെ സമീപിച്ചത്. പരീക്ഷകൾ ഇനിയും മാറ്റിവയ്ക്കുന്നത് വിദ്യാർത്ഥികളുടെ ഭാവിയെ ബാധിക്കും എന്നുപറഞ്ഞാണ് ജസ്റ്റിസ് അശോക് ഭൂഷൺ അദ്ധ്യക്ഷനായ ബഞ്ച് ഹർജി തളളിയത്.

പരീക്ഷ മാറ്റിവയ്ക്കണമെന്നാവശ്യപ്പെട്ട് 11 സംസ്ഥാനങ്ങളിലെ വിദ്യാർത്ഥികൾ സമർപ്പിച്ച ഹർജി ഓഗസ്റ്റ് 17ന് സുപ്രീം കോടതി തളളിയിരുന്നു.