വാഷിംഗ്ടൺ: ലോകത്ത് കൊവിഡ് ബാധിതരുടെ എണ്ണം 26,775,048 ആയി ഉയ‌ർന്നു. 878,150 പേർ ഇതുവരെ രോഗം ബാധിച്ച് മരിച്ചു. 18,884,415 പേർ രോഗമുക്തി നേടി. യു എസ്, ബ്രസീൽ എന്നീ രാജ്യങ്ങളാണ് വൈറസ് ബാധിതരുടെ എണ്ണത്തിലും മരണ സംഖ്യയിലും ആദ്യ സ്ഥാനങ്ങളിൽ. രോഗികളുടെ എണ്ണത്തിൽ മൂന്നാം സ്ഥാനത്താണ് ഇന്ത്യ.

യു എസിലാണ് ഏറ്റവും കൂടുതൽ രോഗികൾ. 6,389,055 പേർക്കാണ് ഇവിടെ രോഗം സ്ഥിരീകരിച്ചത്. കൊവിഡ് ബാധിച്ച് 192,111 പേർ ഇതുവരെ അമേരിക്കയിൽ മരിച്ചു. 3,634,753 പേർ രോഗമുക്തി നേടി. 52,851 പേ‌ർക്കാണ് 24 മണിക്കൂറിനിടെ അമേരിക്കയിൽ രോഗം സ്ഥിരീകരിച്ചത്. ബ്രസീലിൽ ഇതുവരെ 4,091,801 പേർക്കാണ് കൊവിഡ് സ്ഥിരീകരിച്ചത്. മരണസംഖ്യ 125,584 ആയി. 3,278,243 പേർ സുഖം പ്രാപിച്ചു. ഇന്ത്യയിൽ 4,020,239 പേർക്കാണ് കൊവിഡ് സ്ഥിരീകരിച്ചത്. 69,635 പേർ മരിച്ചു. 3,104,512 പേർ ഇതുവരെ രോഗമുക്തി നേടി.