വാഷിംഗ്ടൺ: ഇന്ത്യ-ചൈന അതി‌ർത്തി തർക്കത്തിൽ ഇടപെടാൻ തയ്യാറെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. ഇന്ത്യ-ചെെന അതിർത്തിയിലെ സ്ഥിതിഗതികൾ വളരെ മോശമാണെന്നും, തർക്കത്തിൽ ഇടപെട്ട് സഹായിക്കാൻ അമേരിക്കയ്ക്ക് താത്പര്യമുണ്ടെന്നും ട്രംപ് വ്യക്തമാക്കി. വെെറ്റ് ഹൗസിലെ വാർത്താ സമ്മേളനത്തിലാണ് ട്രംപിന്റെ പ്രതികരണം.

അതി‌ർത്തിയിലെ പ്രശ്നങ്ങൾ പുറത്തറിയുന്നതിനേക്കാൾ സങ്കീ‌ർണമാണെന്നും ട്രംപ് സൂചിപ്പിച്ചു.

ചൈന ഇന്ത്യയെ സംഘർഷത്തിലേക്ക് വലിച്ചിടുകയാണോ എന്ന ചോദ്യത്തിന് അങ്ങനെയുണ്ടാവില്ലെന്നാണ് താൻ പ്രതീക്ഷിക്കുന്നതെങ്കിലും അതിലേക്ക് കാര്യങ്ങൾ പോകാൻ സാദ്ധ്യതയുണ്ടെന്നും ട്രംപ് പറഞ്ഞു.

അതേസമയം, അ​തി​ർ​ത്തി​യി​ൽ​ ​ആ​വ​ർ​ത്തി​ക്കു​ന്ന​ ​ചൈ​നീ​സ് ​പ്ര​കോ​പ​ന​ത്തി​ൽ​ ​നി​ല​പാ​ട് ​ക​ടു​പ്പി​ച്ച​ ഇന്ത്യയെ​ ​ചൈ​ന​ ​നേ​രി​ട്ട് ​ച​ർ​ച്ച​യ്‌​ക്ക് ​ക്ഷ​ണി​ച്ച​തോ​ടെ​ ​റ​ഷ്യ​യി​ൽ​ ​ഇ​രു​ ​രാ​ജ്യ​ങ്ങ​ളു​ടെ​യും​ ​പ്ര​തി​രോ​ധ​മ​ന്ത്രി​മാ​ർ​ ​ത​മ്മി​ൽ​ ​കൂ​ടി​ക്കാ​ഴ്ച​ ​ന​ട​ത്തി.​

മേ​യി​ൽ​ ​വ​ട​ക്ക​ൻ​ ​ല​ഡാ​ക് ​അ​തി​ർ​ത്തി​യി​ൽ​ ​സം​ഘ​ർ​ഷം​ ​ഉ​ട​ലെ​ടു​ത്ത​ ​ശേ​ഷം​ ​ഇ​രു​രാ​ജ്യ​ങ്ങ​ൾ​ക്കു​മി​ട​യി​ൽ​ ​ന​ട​ക്കു​ന്ന​ ​നി​ർ​ണാ​യ​ക​ ​ച​ർ​ച്ച​യാ​ണി​​​ത്.​ ​നേ​ര​ത്തെ​ ​വി​ദേ​ശ​കാ​ര്യ​ ​മ​ന്ത്രി​ ​എ​സ്.​ ​ജ​യ​ശ​ങ്ക​റും​ ​ദേ​ശീ​യ​ ​സു​ര​ക്ഷാ​ ​ഉ​പ​ദേ​ഷ്‌​ടാ​വ് ​അ​ജി​ത് ​ഡോ​വ​ലും​ ​ചൈ​നീ​സ് ​വി​ദേ​ശ​കാ​ര്യ​ ​മ​ന്ത്രി​ ​വാം​ഗ് ​യി​യും​ ​ത​മ്മി​ൽ​ ​ഫോ​ണി​ൽ​ ​ച​ർ​ച്ച​ ​ന​ട​ത്തി​യി​രു​ന്നു.​

തിരഞ്ഞെടുപ്പിൽ ചൈന ഇടപെടുന്നു

അമേരിക്കൻ പ്രസിഡന്റ് തിരഞ്ഞെടുപ്പിൽ കൈകടത്താൻ ശ്രമിക്കുന്നവരിൽ ചൈനയ്ക്ക് നിർണായക റോളുണ്ടെന്ന് യു.എസ് നാഷണൽ സെക്യൂരിറ്റി അഡ്വൈസർ റോബർട്ട് ഒബ്രയാൻ ആരോപിച്ചു.

'ചില പ്രൊപ്പഗാൻഡകൾ രാജ്യത്ത് നടക്കുന്നുണ്ട്. തിരഞ്ഞെടുപ്പിൽ ജനങ്ങളെ സ്വാധീനിക്കാനായി ചിലർ ശ്രമിക്കുന്നുണ്ട്. ചൈനയ്ക്കാണിതിന് പ്രധാന റോൾ. എന്നാൽ റഷ്യ, ഇറാൻ എന്നിവരുടെ ഇടപെടലും അവഗണിക്കാവുന്നതല്ല.'- വൈറ്റ്ഹൗസ് പോഡിയത്തിൽ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
അത്തരം പ്രവർത്തികൾ അസാധാരണമായ അനന്തരഫലങ്ങളുണ്ടാക്കുമെന്നും ഒബ്രിയാൻ മുന്നറിയിപ്പ് നൽകി. തിരഞ്ഞെടുപ്പിന്റെ പവിത്രത നിലനിറുത്താൻ രാജ്യം പ്രതിജ്ഞാബദ്ധമാണെന്നും ഒബ്രിയാൻ ചൂണ്ടിക്കാട്ടി.