കൊച്ചി: കൊവിഡ് ലോക്ഡൗണിന് ശേഷം സർവീസ് പുനരാരംഭിക്കുന്ന കൊച്ചി മെട്രോയിൽ യാത്രാനിരക്കുകൾ കുറച്ചു. ഏ‌റ്റവും പരമാവധി ടിക്ക‌റ്റ് ചാർജ് 50 രൂപയായി നിശ്‌ചയിച്ചു. മുൻപ് ഇത് 60 രൂപയായിരുന്നു.

കൊച്ചി മെട്രോ കാർഡ് ഉടമകൾക്ക് 10 ശതമാനം ഇളവ് ലഭിക്കും. ആദ്യത്തെ അഞ്ച് സ്‌റ്റേഷനുകളിൽ 20 രൂപയാണ് നിരക്ക്. തുടർന്ന് 12 സ്‌റ്റേഷൻ വരെ 30 രൂപയും ബാക്കി 12 സ്‌റ്റേഷൻ വരെ 50 രൂപയുമാണ് പുതിയ നിരക്ക്. വാരാന്ത്യ പാസ്, അവധി ദിന പാസുള‌ളവർക്ക് 15 മുതൽ 30 രൂപ വരെ ടിക്ക‌റ്റ് നിരക്കിൽ കുറവുണ്ടാകുമെന്ന് മെട്രോ അധികൃതർ അറിയിച്ചു.