പ്രിയപ്പെട്ടവർക്ക് ഓണപ്പുടവയും, ഓണ വിരുന്നും സമ്മാനിച്ച് നടന്‍ സാജു നവോദയയും ടീമും. നടൻ ആരംഭിച്ച ഷാജീസ് കോര്‍ണറിന്‍റെ നേതൃത്വത്തിലായിരുന്നു ഓണവിരുന്ന് നൽകിയത്. കൊവിഡ് കാലത്ത് സ്വന്തം ജീവൻ പോലും പണയംവച്ച് സഹജീവികളുടെ ജീവനുവേണ്ടി പൊരുതുന്ന ആരോഗ്യപ്രവര്‍ത്തകര്‍ക്കും, പൊലീസ് സേനയ്ക്കും ആദരവ് നല്‍കിക്കൊണ്ടായിരുന്നു താരത്തിന്റെ ഈ വര്‍ഷത്തെ ഓണം.
യുട്യൂബ് ചാനലിലൂടെയാണ് അദ്ദേഹം വിശേഷങ്ങൾ പങ്കുവെച്ചത്. തന്റെ യൂട്യൂബ് ചാനലില്‍നിന്ന് ലഭിക്കുന്ന വരുമാനം ജീവകാരുണ്യപ്രവര്‍ത്തനങ്ങള്‍ക്കുവേണ്ടി മാറ്റിവയ്ക്കുമെന്ന് നടൻ നേരത്തേ പറഞ്ഞിരുന്നു. അതിന്‍റെ ഭാഗമായിട്ടായിരുന്നു ഈ പരിപാടി.
യൂട്യൂബ് ചാനലിലൂടെ ചിരിയും ചിന്തയും പകരുന്നതിനൊപ്പം, പരിപാടികളിലൂടെ സാമൂഹിക വിമർശനവും, ജീവിത മൂല്യങ്ങളും ചൂണ്ടിക്കാട്ടാറുണ്ട്. തമാശയാണ് പരിപാടികളുടെ മുഖ്യ പ്രമേയം. ചെറിയ സംഭവങ്ങളെ കോർത്തിണക്കി രസകരമായി രീതിയിൽ അവതരിപ്പിച്ച് കുടുംബ പ്രേക്ഷകരെ ചിരിപ്പിക്കുകയാണ് ചാനലിലെ ഓരോ പരിപാടികളും.
സാജുവിൻ്റെ ഭാര്യ രശ്മിയും ചാനലിൽ പൂർണ്ണ പങ്കാളിത്തതോടെ കൂടെയുണ്ട്. ഇരുവരും തന്നെയാണ് അഭിനേതാക്കളും. പാചകം, കോമഡികള്‍, ഷോര്‍ട്ട് ഫിലിം തുടങ്ങിയ നിരവധി പരിപാടികളാണ് ചാനലില്‍ ഉള്ളത്. 'വാചകമേള പാചകമേള' , 'സുരച്ചേട്ടായി' എന്നീ പരിപാടികളുടെ ആദ്യ എപ്പിസോഡുകള്‍ ഇതിനോടകം തന്നെ പുറത്തിറങ്ങി. തന്നെ ഇഷ്ടപ്പെടുന്ന പ്രേക്ഷകര്‍ തന്റെ ഈ യൂട്യൂബ് ചാനലും പരിപാടികളും സ്വീകരിക്കുമെന്ന് താരം പറയുന്നു. .യൂട്യൂബ് ചാനൽ ചാരിറ്റി ലക്ഷ്യമിട്ട് തുടങ്ങിയതാണെന്നും താരംപറഞ്ഞു .
സംവിധാനം -ഷിജു അഞ്ചുമന സ്ക്രിപ്റ്റ് -ജോഷി മഹാത്മാ , ആഷ്‌ലിൻ തബു . കോഡിനേറ്റർ - അനീസ് ഹമീദ്, പി.ആർ.സുമേരൻ (പി.ആർ.ഒ ) 9446190254