മുംബയ് :മഹാരാഷ്ട്രാ മുഖ്യമന്ത്രി ഉദ്ധവ് താക്കറെയുടെ വീട് ബോംബ് വച്ച് തകർക്കുമെന്ന് ഭീഷണി.. അധോലോക കുറ്റവാളി ദാവൂദ് ഇബ്രാഹീമിന്റെ പേരിലായിരുന്നു ഭീഷണി സന്ദേശമെത്തിയത്. ഇതിനെത്തുടർന്ന് ഉദ്ധവിന്റെ വീടായ മതോശ്രീക്ക് സുരക്ഷ ശക്തമാക്കി. രണ്ട് തവണയാണ് ഫോൺകോളുകൾ വന്നതെന്ന് വാർത്താ ഏജൻസി റിപ്പോർട്ട് ചെയ്യുന്നു.

.ദാവൂദിന് വേണ്ടിയാണ് വിളിക്കുന്നതെന്നും മുഖ്യമന്ത്രിയുമായി സംസാരിക്കണമെന്നും ഫോൺ വിളിച്ചയാൾ പറഞ്ഞുവെന്നാണ് റിപ്പോർട്ടുകൾ. ഇതിന് പിന്നാലെയാണ് പൊലീസ് സുരക്ഷ ശക്തമാക്കിയത്. ഫോൺ വിളിച്ചത് ആരാണെന്നും എവിടെനിന്നാണെന്നും കണ്ടെത്താൻ ശ്രമം തുടങ്ങിയെന്ന് മുംബൈ പൊലീസ് അറിയിച്ചു