ന്യൂഡൽഹി: രാജ്യത്ത് കൊവിഡ് വ്യാപനം രൂക്ഷമാകുന്നു. കൊവിഡ് രോഗികളുടെ എണ്ണം 42 ലക്ഷത്തിലേക്ക് അടക്കുകയാണ്. കൊവിഡ് രൂ​ക്ഷ​മാ​യ​ ​രാ​ജ്യ​ങ്ങ​ളു​ടെ​ ​പ​ട്ടി​ക​യി​ൽ​ ​ബ്ര​സീ​ലി​നെ​ ​മ​റി​ക​ട​ന്ന് ​ഇ​ന്ത്യ​ ​ര​ണ്ടാ​മ​തെത്തിയിട്ടുണ്ട്.​ ​ഇ​ന്ത്യ​യിലിപ്പോൾ 41.96​ ​ല​ക്ഷം​ ​രോഗികളാണുള്ളത്. ബ്ര​സീ​ലി​ൽ​ ​രോ​ഗ​ബാ​ധി​ത​രു​ടെ​ ​എ​ണ്ണം​ 41.50​ ​ല​ക്ഷമാണ്. ​ 64​ ല​ക്ഷത്തിലേറെ രോഗികളുമായി അമേരിക്കയാണ് പട്ടികയിൽ ഒന്നാമത്.
പ്ര​തി​ദി​ന​ ​കൊ​വി​ഡ് ​രോ​ഗി​ക​ളു​ടെ​ ​എ​ണ്ണ​ത്തി​ലും ഇന്ത്യയിൽ ​റെ​ക്കാ​ഡ് ​വ​ർ​ദ്ധ​ന​യാ​ണ് രേഖപ്പെടുത്തിയത്. 24 മണിക്കൂറിനിടെ ​രാ​ജ്യ​ത്ത് കൊവിഡ് ബാധിച്ചവരുടെ എണ്ണം 90,​633 ആണ്. 1044​ പേർ മരണമടയുകയും ചെയ്തു. കൊവിഡ് ബാധിച്ച് ​ആ​കെ​ ​71,​741​ ​പേരാണ് മരിച്ചത്. ജൂലായ് 29 മുതൽ ഇന്ത്യയിലെ പ്രതിദിന കോവിഡ് ബാധിതരുടെ എണ്ണം 50,000 കടന്നിരുന്നു. ആഗസ്റ്റ് 25 മുതൽ അത് 60,000ന് മുകളിലായി. ഈ മാസം രണ്ട് ആയപ്പോഴേക്കും പ്രതിദിന രോഗികൾ 80,000 കടന്നു, നാല് ദിവസം കൊണ്ട് രോഗികളുടെ എണ്ണം 90,000 കടക്കുകയും ചെയ്തു. ഈ മാസം മാത്രം ഇതുവരെ അഞ്ചു ലക്ഷത്തിലേറെ പുതിയ കൊവിഡ് രോഗികളുണ്ടായി. നിലവിൽ രാജ്യത്ത് 8.62 ലക്ഷം പേരാണ് കൊവിഡ് ബാധിച്ച് ചികിത്സയിലുള്ളത്.
രൂക്ഷമായി 35​ ​ജി​ല്ല​കൾ
​ഡ​ൽ​ഹി​യി​ലെ​ 11​ ​ജി​ല്ല​ക​ൾ,​ ​പ​ശ്ചി​മ​ബം​ഗാ​ളി​ലെ​ 4,​ ​മ​ഹാ​രാ​ഷ്ട്ര​യി​ലെ​ 17,​ ​ഗു​ജ​റാ​ത്തി​ലെ​യും​ ​പോ​ണ്ടി​ച്ചേ​രി​യി​ലെയും​ ​ജാ​ർ​ഖ​ണ്ഡി​ലെ​യും​ ​ഓരോ ​ജി​ല്ല​ക​ളി​ലാ​ണ് ​കൊ​വി​ഡ് ​വ്യാ​പ​നം​ ​അതിരൂ​ക്ഷമായിരിക്കുന്നത്. ​ഇ​വി​ട​ങ്ങ​ളി​ൽ​ ​കൊ​വി​ഡ് ​പ​രി​ശോ​ധ​ന​ ​ഉ​യ​ർ​ത്താ​നും​ ​പ്ര​തി​രോ​ധ​ ​ന​ട​പ​ടി​ക​ൾ​ ​ശ​ക്ത​മാ​ക്കാ​നും​ ​കേ​ന്ദ്ര​ ​ആ​രോ​ഗ്യ​സെ​ക്ര​ട്ട​റി​ ​സംസ്ഥാനങ്ങൾക്ക്
നി​ർ​ദ്ദേ​ശം​ ​ന​ൽ​കി.​ ​കൊ​വി​ഡ് ​കേ​സു​ക​ളു​യ​രു​ന്ന​ ​പ​ഞ്ചാ​ബി​ലേ​ക്കും​ ​കേ​ന്ദ്ര​ഭ​ര​ണ​പ്ര​ദേ​ശ​മാ​യ​ ​ച​ണ്ഡീ​ഗ​ഡി​ലേ​ക്കും​ ​​ഉടൻ കേ​ന്ദ്ര​സം​ഘ​ത്തെ​ ​അ​യയ്ക്കും.