തിരുവനന്തപുരം: ഓണക്കിറ്റ് തട്ടിപ്പിനെക്കുറിച്ച് അന്വേഷണം നടത്തണമെന്നാവശ്യപ്പെട്ട് വിജിലൻസ് ഡയറക്ടർക്ക് ബി ജെ പി സംസ്ഥാന സമിതി അംഗത്തിന്റെ പരാതി. സന്ദീപ് വാചസ്പതിയാണ് പരാതി നൽകിയത്. ശർക്കര, പപ്പടം, വെളിച്ചെണ്ണ, തുണി സഞ്ചി എന്നിവയുൾപ്പടെ നിരവധി തട്ടിപ്പുകൾ നടന്നതായും അദ്ദേഹം പരാതിയിൽ ചൂണ്ടിക്കാണിക്കുന്നു. ഭക്ഷ്യ മന്ത്രി പി തിലോത്തമൻ, സപ്ലൈകോ എം ഡി എന്നിവരടക്കം 13 പേർക്കെതിരെയാണ് പരാതി നൽകിയിരിക്കുന്നത്.

തൂക്കം, സാധനങ്ങളുടെ ഗുണനിലവാരമില്ലായ്മ, ടെൻഡർ എന്നിവയിലെല്ലാം തട്ടിപ്പ് നടന്നിട്ടുണ്ട്. കുറഞ്ഞ തുക വാഗ്ദാനം ചെയ്ത വിരണക്കാരെ മറികടന്ന് കരാർ നൽകിയിട്ടുണ്ട്. ഇതേ വിതരണക്കാരനുതന്നെ വീണ്ടും കരാർ നൽകാൻ നീക്കം നടക്കുന്നുണ്ട്. ആവശ്യത്തിന് ഗുണനിലവാരമില്ലാത്ത സാധനങ്ങൾ വിതരണം ചെയ്ത കരാറുകാരനെ കരിമ്പട്ടികയിൽ ഉൾപ്പെടുത്തൊൻ സപ്ലൈക്കോ തയ്യാറായിട്ടുമില്ല. ക്രമക്കേട് നടന്നതിന് പിന്നിൽ വലിയ ഗൂഢാലോചനയുണ്ടെന്നും പരാതിയിൽ പറയുന്നു.