തിരുവനന്തപുരം: തിരുവനന്തപുരം ജില്ലയിൽ പുതിയ കണ്ടെയ്ൻമെന്റ് സോണുകൾ പ്രഖ്യാപിച്ചു. നഗരസഭയ്‌ക്ക് കീഴിലെ എം.എൽ.എ റോഡ് (തൃക്കണ്ണാപുരം വാർഡ്), വ്യാസ നഗർ (കേശവദാസപുരം വാർഡ്), അംബേദ്‌കർ നഗർ(ശ്രീകാര്യം വാർഡ്), പ്രശാന്ത് നഗർ, നീരാഴി ലെയിൻ, പണയിൽ (ഉള്ളൂർ വാർഡ്), ഓടൻവഴി (തിരുമല വാർഡ്), പി.ജി റസിഡൻസ് അസോസിയേഷൻ പ്രദേശം(പെരുന്താന്നി വാർഡ്), അടുപ്പുകൂട്ടാൻ പാറ(തുരുത്തുമൂല വാർഡ്), പേരേക്കോണം, സത്യൻ നഗർ, ചവിഞ്ചി വിള, മലമേൽകുന്ന് (എസ്റ്റേറ്റ് വാർഡ്), അയിത്തടി, പുലയനാർകോട്ട (ആക്കുളം വാർഡ്), പുഞ്ചക്കരി വാർഡ് എന്നിവയാണ് നഗരസഭയ്‌ക്ക് കീഴിലെ കണ്ടെയ്ൻമെന്റ് സോണുകൾ.
വിതുര ഗ്രാമപഞ്ചായത്തിലെ മുളക്കോട്ടുകര, നാവായിക്കുളം ഗ്രാമപഞ്ചായത്തിലെ ഇടമണ്ണില, അഴൂർ ഗ്രാമപഞ്ചായത്തിലെ തെറ്റിച്ചിറ, പഞ്ചായത്ത് ഓഫീസ്, കിളിമാനൂർ ഗ്രാമപഞ്ചായത്തിലെ മാലയ്ക്കൽ, പനപ്പാംകുന്ന് എന്നീ പ്രദേശങ്ങളെയും കണ്ടെയ്ൻമെന്റ് സോണുകളായി പ്രഖ്യാപിച്ചിട്ടുണ്ട്. ഇവയോട് ചേർന്നുള്ള പ്രദേശങ്ങളിൽ താമസിക്കുന്നവരും ജാഗ്രത പുലർത്തണമെന്ന് ജില്ലാ കള‌ക്‌ടർ നവജ്യോത് ഖോസ അറിയിച്ചു. അടിയന്തര ആവശ്യങ്ങൾക്കല്ലാതെ ആരുംതന്നെ കണ്ടെയ്ൻമെന്റ് സോണിന് പുറത്തുപോകാൻ പാടില്ലെന്നും കള‌ക്‌ടർ വ്യക്തമാക്കി.
അതേസമയം രോഗവ്യാപനം കുറഞ്ഞ പ്രദേശങ്ങളിൽ കണ്ടെയ്ൻമെന്റ് സോണുകൾ പിൻവലിച്ചു. അഴൂർഗ്രാമപഞ്ചായത്തിലെ മാടൻവിള, കൊട്ടാരംതുരുത്ത്, കാഞ്ഞിരംകുളം ഗ്രാമപഞ്ചായത്തിലെ ലൂർദ്പുരം, നെയ്യാറ്റിൻകര ഗ്രാമപഞ്ചായത്തിലെ പണക്കാട്, മുള്ളറവിള, തൊഴുക്കൽ, വഴുതൂർ, ഇരുമ്പിൽ, നാരായണപുരം, അമരവിള, ആലുമ്മൂട്, കൊല്ലയിൽ ഗ്രാമപഞ്ചായത്തിലെ മേക്കൊല്ല, ധനുവച്ചപുരം, പുതുശ്ശേരിമഠം, ആര്യൻകോട് ഗ്രാമപഞ്ചായത്തിലെ കീഴരൂർ, കവലൂർ, പശുവന്നറ, കരവാരം ഗ്രാമപഞ്ചായത്തിലെ മുടിയോട്ടുകോണം (നെല്ലിക്കുന്ന് പ്രദേശം), അണ്ടൂർകോണം ഗ്രാമപഞ്ചായത്തിലെ കാരിച്ചറ, വെള്ളറട ഗ്രാമപഞ്ചായത്തിലെ ആറാട്ടുകുഴി, വെള്ളറട, അഞ്ചുമരൻകാല, കിളിയൂർ, മണൂർ, പൊന്നമ്പി, പഞ്ചക്കുഴി എന്നീ പ്രദേശങ്ങളെയാണ് കണ്ടെയ്ൻമെന്റ് സോണിൽ നിന്നും ഒഴിവാക്കിയത്.